قازاقستان قۇراماسىنىڭ باس باپكەرى ماگومەد اديەۆ رەسەيگە قايتا ورالۋ مۇمكىن، دەپ حابارلايدى “ادىرنا” ۇلتتىق پورتالى Sport24.ru سايتىنا سىلتەمە جاساپ.
بۇل تۋرالى باپكەر ءوزى مالىمدەدى.
«ماعان رەسەيلىك كلۋبتاردان ۇسىنىستار ءتۇستى. بىراق مەن تسيكلدى [قازاقستان قۇراماسىمەن] اياقتاۋىم كەرەك، سوسىن ءارى قارايعى شەشىمدى سول ارقىلى قابىلدايمىن. مەن ءوز سوزىمنەن قايتپايمىن: مەن پلەي-وفف ويىنىن ويناعىم كەلەدى.
ارينە، جاقىن ارادا رەسەيگە جۇمىسقا ورالۋىم مۇمكىن ەكەنىن مويىندايمىن. بىراق مەن بۇل تۋرالى ارماندايمىن دەپ ايتا المايمىن. مەن ارقاشاندا ناقتى ارەكەت ەتەمىن. قازىر قازاقستان قۇراماسىندا بارلىعىنا تولىق كوڭىلىم تولادى. بۇل كوماندا ماعان كوپ نارسە بەردى، مەن دە ولارعا بىردەڭە بەردىم دەپ ۇمىتتەنەمىن. بار ويىم الداعى ويىنداردا»، – دەپ ايتتى باپكەر.
ايتا كەتەيىك، اديەۆ قازاقستان قۇراماسىن 2022 جىلدىڭ ءساۋىر ايىنان بەرى باسقارىپ كەلەدى. بۇعان دەيىن «احمات»، «انجي» جانە باسقا دا رەسەيلىك كلۋبتاردا جۇمىس ىستەگەن.
“ادىرنا” ۇلتتىق پورتالى
