Ýkraına men Reseı arasynda taǵy da tutqyn almasýy boldy. Sonyń nátıjesinde 108 ýkraınalyq áıel úılerine oraldy. Bul týraly BBC News jarııalady, dep habarlaıdy ”Adyrna” ulttyq portaly.
Málimet boıynsha, tutqynnan bosatylǵandardyń arasynda Reseıdiń Donek, Lýgansk, Zaporoje men Herson oblystaryna keń aýqymdy shabýyly bastalǵanǵa deıin tutqynǵa alynǵan qyz-kelinshekter bar.
Bosatylǵan tutqyndardyń eń úlkeni – 62 jasta, eń kishisi – 21 jasta.
“Búgin kezekti ret tutqyn almasýǵa múmkindik týdy. Bul endi, biz úshin óte qıyn boldy. Biz alǵash ret 108 áıeldi tutqynnan bosattyq”, – dedi Ýkraına prezıdenti keńsesiniń basshysy Andreı Ermak.
Onyń aıtýynsha, «Azovstalde» bolǵan 37 adam, 11 ofıer, 85 qatardaǵy jaýynger men serjant, Qarýly kúshterdiń 35 sarbazy, 32 ásker-teńiz kúshtiń jaýyngeri, 12 aýmaqtyq qorǵanystyń ókili, Ulttyq ulannyń 8 adamy, 13 memlekettik qyzmetker, shekara qyzmetiniń 4 ókili men 12 qatardaǵy azamat tutqynnan bolǵandarmen birge úılerine oraldy. Keıbir adamdar 2019 jyldan beri Reseıdiń tutqynynda bolǵan.
