قازاقستان مەن تۇرىكمەنستان پرەزيدەنتتەرى كەلىسسوز جۇرگىزدى

2888
Adyrna.kz Telegram
قر پرەزيدەنتى قاسىم-جومارت توقاەۆ قازاقستانعا مەملەكەتتىك ساپارمەن العاش رەت كەلگەن تۇرىكمەنستان پرەزيدەنتى سەردار بەردىمۇحامەدوۆتى قارسى الدى، دەپ حابارلايدى "ادىرنا" ۇلتتىق پورتالى.

كەزدەسۋ الدىندا تۇرىكمەنستان پرەزيدەنتىن اقوردا رەزيدەنتسياسىندا سالتاناتتى قارسى الۋ ءراسىمى ءوتتى. قۇرمەت قاراۋىلىنىڭ باستىعى ەكى ەل باسشىسىنا راپورت بەرىپ، قازاقستان مەن تۇرىكمەنستاننىڭ مەملەكەتتىك ءانۇراندارى ورىندالدى. قاسىم-جومارت توقاەۆ پەن سەردار بەردىمۇحامەدوۆ ءبىر-بىرىنە رەسمي دەلەگاتسيالاردىڭ قۇرامىن تانىستىردى. بۇدان سوڭ ەكى ەل باسشىلارى شىعىس زالىندا شاعىن قۇرامدا كەزدەستى، دەلىنگەن اقوردا حابارلاماسىندا.

"تۇرىكمەنستان – قازاقستان ءۇشىن باۋىرلاس مەملەكەت. ءبىزدىڭ تاريحىمىز بەن شەكارامىز ورتاق. ءبىزدى مادەني-گۋمانيتارلىق سالالار جانە ەكونوميكالىق مۇددە سەكىلدى كوپ باعىتتار بايلانىستىرادى", - دەدى قاسىم-جومارت توقاەۆ.

كەلىسسوز بارىسىندا قاسىم-جومارت توقاەۆ پەن سەردار بەردىمۇحامەدوۆ قازاقستان مەن تۇرىكمەنستان اراسىنداعى ىنتىماقتاستىقتى دامىتۋ مۇمكىندىكتەرىن تالقىلادى. ساۋدا-ەكونوميكالىق قارىم-قاتىناستاردى كەڭەيتۋگە، اسىرەسە، ەنەرگەتيكا، كولىك جانە لوگيستيكا، ونەركاسىپ، اۋىل شارۋاشىلىعى سالالارىنا ەرەكشە نازار اۋدارىلدى.

پىكىرلەر