تۇركىستان وبلىسىندا ءىرى كولەمدەگى الاياقتىق جاسادى دەپ ايىپتالعان پوليتسيا قىزمەتكەرى دانيار مەيىرحانعا قاتىستى قىلمىستىق ءىس توقتاتىلدى. بۇل تۋرالى مەيىرحاننىڭ ادۆوكاتى شىمىرباي اعابەكوۆ مالىمدەدى، دەپ حابارلايدى “ادىرنا” ءتىلشىسى.
ەسكە سالايىق، بيىل مامىردا تۇلكىباس اۋدانى پوليتسياسىنىڭ باسشىسى دانيار مەيىرحاننىڭ قىزمەتىنەن ۋاقىتشا بوساتىلعانى بەلگىلى بولعان. وعان اسا ءىرى كولەمدەگى الاياقتىق (قر قك 190-بابى، 4-بولىگى، 2-تارماعى) بويىنشا ءىس قوزعالدى. كەيىن ول 40 ميلليون تەڭگە كەپىلمەن بوساتىلدى.
ادۆوكات شىمىرباي اعابەكوۆتىڭ ايتۋىنشا، ونىڭ قورعاۋىنداعى ازاماتقا قاتىستى قىلمىستىق ءىس قىلمىس قۇرامىنىڭ جوقتىعىنا بايلانىستى توقتاعان.
"قىلمىس قۇرامىنىڭ بولماۋىنا بايلانىستى قىلمىستىق ءىس تولىعىمەن توقتاتىلدى. ياعني، ول ەشقانداي زاڭعا قايشى ارەكەت جاساماعان. باستاپقىدا بۇل ءىستى قالالىق پوليتسيا باسقارماسىنىڭ ىشكى قاۋىپسىزدىك باسقارماسى (وقب) تەرگەگەن. ودان كەيىن ءىس سىبايلاس جەمقورلىققا قارسى قىزمەتتىڭ قاراۋىنا بەرىلدى. سىبايلاس جەمقورلىققا قارسى قىزمەت ءبىراز ۋاقىت تەرگەپ، كەيىن توقتاتۋ تۋرالى تۇپكىلىكتى شەشىم قابىلدادى. قالا پروكۋرورى بۇل شەشىممەن كەلىستى. ول تولىق اقتالدى", - دەدى مەيىرحان. زاڭگەر شيميرباي اعابەكوۆ ايتتى.
ايتا كەتەيىك، دانيار مەيىرحان 1981 جىلى تۋعان، ىشكى ىستەر ورگاندارىندا 2003 جىلدان بەرى قىزمەت ەتىپ كەلەدى.
2020 جىلدىڭ ناۋرىزنان بەرى تۇلكىباس اۋداندىق ىشكى ىستەر باسقارماسىنىڭ باستىعى. بۇعان دەيىن ول تۇركىستان قالالىق ءىىب باستىعى قىزمەتىن اتقارعان.
