تۇركىستان وبلىسىندا جاۋىن سۋىنا 2 جاسار بالا تۇنشىعىپ قايتىس بولدى

3096
Adyrna.kz Telegram
فوتو: orda.kz
فوتو: orda.kz

26 قازانعا قاراعان كۇنى تۇركىستان وبلىسىندا نوسەر جاۋىن جاۋىپ، سارىاعاش، بايدىبەك جانە قازىعۇرت اۋداندارىندا بىرنەشە تۇرعىن ءۇيدىڭ اۋلاسىن سۋ الدى. جاۋىن سۋىنا 2 جاسار بالا تۇنشىعىپ ولگەن، دەپ حابارلايدى “ادىرنا” ۇلتتىق پورتالى.

Orca.kz سايتىنىڭ مالىمەتىنشە، وبلىستىق توتەنشە جاعدايلار دەپارتامەنتى توتەنشە جاعدايلاردى جويۋ باسقارماسىنىڭ باستىعى تالعات دوساليەۆتىڭ جاۋىن تۇنىمەن جاۋعانىن حابارلاعان. ءۇش اۋداندا تۇرعىن ءۇي اۋلالارىن سۋ العان.

“سارىاعاش اۋدانىندا ەكى مال قوراعا سۋ كىرىپ، وننان اسا مال سۋعا تۇنشىعىپ ولگەن. قازىعۇرت اۋدانىندا ءبىر قورا قۇلادى. وسى اۋدانداعى تۇرعىن ءۇي اۋلاسىنداعى قازىلعان شۇڭقىرعا جاۋىن سۋى جينالىپ، وعان 2 جاسار بالا ءتۇسىپ، تۇنشىعىپ قايتىس بولدى”، – دەيدى باسقارما باسشىسى.

جاۋىن ءالى جاۋىپ تۇر. توتەنشەلىكتەر جۇمىسىن جالعاستىرىپ جاتىر.

پىكىرلەر