Türkıstan oblysynda ırı kölemdegı alaiaqtyq jasady dep aiyptalǧan polisiia qyzmetkerı Daniiar Meiırhanǧa qatysty qylmystyq ıs toqtatyldy. Būl turaly Meiırhannyŋ advokaty Şymyrbai Aǧabekov mälımdedı, dep habarlaidy “Adyrna” tılşısı.
Eske salaiyq, biyl mamyrda Tülkıbas audany polisiiasynyŋ basşysy Daniiar Meiırhannyŋ qyzmetınen uaqytşa bosatylǧany belgılı bolǧan. Oǧan asa ırı kölemdegı alaiaqtyq (QR QK 190-baby, 4-bölıgı, 2-tarmaǧy) boiynşa ıs qozǧaldy. Keiın ol 40 million teŋge kepılmen bosatyldy.
Advokat Şymyrbai Aǧabekovtıŋ aituynşa, onyŋ qorǧauyndaǧy azamatqa qatysty qylmystyq ıs qylmys qūramynyŋ joqtyǧyna bailanysty toqtaǧan.
"Qylmys qūramynyŋ bolmauyna bailanysty qylmystyq ıs tolyǧymen toqtatyldy. Iаǧni, ol eşqandai zaŋǧa qaişy äreket jasamaǧan. Bastapqyda būl ıstı qalalyq polisiia basqarmasynyŋ ışkı qauıpsızdık basqarmasy (OQB) tergegen. Odan keiın ıs Sybailas jemqorlyqqa qarsy qyzmettıŋ qarauyna berıldı. Sybailas jemqorlyqqa qarsy qyzmet bıraz uaqyt tergep, keiın toqtatu turaly tüpkılıktı şeşım qabyldady. Qala prokurory būl şeşımmen kelıstı. Ol tolyq aqtaldy", - dedı Meiırhan. zaŋger Şimirbai Aǧabekov aitty.
Aita keteiık, Daniiar Meiırhan 1981 jyly tuǧan, ışkı ıster organdarynda 2003 jyldan berı qyzmet etıp keledı.
2020 jyldyŋ nauryznan berı Tülkıbas audandyq ışkı ıster basqarmasynyŋ bastyǧy. Būǧan deiın ol Türkıstan qalalyq IIB bastyǧy qyzmetın atqarǧan.
