مەملەكەت باسشىسى قاسىم-جومارت توقاەۆتىڭ شاقىرۋىمەن قاراشا ايىنىڭ العاشقى ەكى كۇنىندە فرانتسيا پرەزيدەنتى ەممانيۋەل ماكرون مەن ماجارستان پرەمەر-ءمينيسترى ۆيكتور وربان قازاقستانعا رەسمي ساپارمەن كەلەدى. ال 3 قاراشادا ەلوردادا تۇركى مەملەكەتتەرى ۇيىمىنىڭ (تمۇ) مەرەيتويلىق ح ءسامميتى وتەدى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، ساپار اياسىندا توقاەۆ پەن ەممانيۋەل ماكرون ساۋدا-ەكونوميكالىق، ينۆەستيتسيالىق جانە ەنەرگەتيكالىق ىنتىماقتاستىقتى نىعايتۋ ماسەلەلەرى جونىندە كەلىسسوز جۇرگىزەدى. سونداي-اق حالىقارالىق جانە وڭىرلىك كۇن تارتىبىندەگى ماسەلەلەردى تالقىلايدى.
ال 2 قاراشا كۇنى مەملەكەت باسشىسى مەن ماجارستان پرەمەر-ءمينيسترى قازاقستان مەن ماجارستاننىڭ ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالالارداعى ىقپالداستىعىن ودان ءارى كەڭەيتۋگە قاتىستى كەلىسوز جۇرگىزەدى دەپ جوسپارلانىپ وتىر.
ال 3 قاراشا كۇنى وتكىزىلەتىن جيىنعا تۇركى مەملەكەتتەرى ۇيىمىنا مۇشە ەلدەر – ازەربايجان، قىرعىزستان، تۇركيا، وزبەكستان پرەزيدەنتتەرى جانە تمۇ-عا باقىلاۋشى مەملەكەتتەر – ماجارستان مەن تۇرىكمەنستان كوشباسشىلارى قاتىسادى.
