Memleket basşysy Qasym-Jomart Toqaev «Digital Bridge 2022» halyqaralyq tehnologiialyq forumynda zamanaui aqparattyq qoǧam men sifrlyq ekonomika jaǧdaiynda kedergısız bılım almasudyŋ maŋyzdylyǧyn atap öttı. Būl jönınde QR Ǧylym jäne joǧary bılım ministrı Saiasat Nūrbek te ministrlık tarapynan sifrlandyru baǧytynda jüzege asyrylyp jatqan tyŋ jobalar turaly aitty, dep habarlaidy “Adyrna” ūlttyq portaly.
“Bız jaqynda Coursera kompaniiasymen üşjaqty memorandumǧa qol jetkızgenımızdı bılesızder. Bügın men «Digital Bridge 2022» forumy aiasynda osy kompaniianyŋ ökılderımen kezdestım. Bız 2023 jyldyŋ qaŋtaryna josparlanǧan jobany ıske qosudyŋ egjei-tegjeiın talqyladyq. Kelesı jyldan bastap Qazaqstandyq studentter qazaq jäne orys tılderındegı Coursera kurstaryn taŋdauǧa mümkındık alady. Üş jyl ışınde kemınde 100 myŋ qazaqstandyq student pen paidalanuşy Coursera platformasyna qol jetkızedı. Bız jyldam özgerıster men qaita qūrular jaǧdaiynda joǧary bılım berudı damytu üşın ikemdı şeşımderdı ızdep jatyrmyz. Bügıngı taŋda eŋ oŋai jäne tiımdı şeşım — būl sifrlandyru. Bızdıŋ bügıngı jasap jatqan ısımız - joǧary bılım beru jüiesın reformalaudaǧy jäne ekonomikamyz üşın bılıktı kadrlar daiarlaudaǧy maŋyzdy qadam”, - dep jazdy ministr.
Ūqsas jaŋalyqtar
