اقش پرەزيدەنتى دجو بايدەن رەسەي "بۇۇ جارعىسىن ايتارلىقتاي بۇزدى" دەپ مالىمدەدى. بۇل تۋرالى ول بۇۇ باس اسسامبلەياسىنىڭ سەسسياسىندا ايتتى، دەپ جازادى "ادىرنا" ۇلتتىق پورتالى.
بايدەن رەسەي ۋكرايناعا قارسى اشىق سوعىس جاريالاپ، ۋكراينا اۋماعىنىڭ ءبىر بولىگىن اننەكسيالاۋعا تىرىسىپ، جالعان رەفەرەندۋم ۇيىمداستىردى دەپ ايىپتادى.
"بۇۇ قاۋىپسىزدىك كەڭەسىنىڭ تۇراقتى مۇشەسى ەگەمەن مەملەكەتتى الەم كارتاسىنان وشىرمەك بولىپ كورشى ەلگە باسىپ كىردى. قازىر رەسەي سوعىسقا ساربازداردى كوبىرەك شاقىرىپ جاتىر، كرەمل ۋكراينانىڭ كەيبىر بولىكتەرىن اننەكسيالاۋعا ارەكەت جاساپ، جالعان رەفەرەندۋم ۇيىمداستىرۋدا. رەسەي بۇۇ جارعىسىنىڭ نەگىزگى ەرەجەلەرىن ورەسكەل بۇزدى. بۇل جەردە كورشى ەلدەر اۋماعىن كۇشتەپ باسىپ الۋىنا ناقتى تىيىم سالۋدان ماڭىزدى ەشتەڭە جوق", - دەدى اقش پرەزيدەنتى.
بايدەن بۇۇ قاۋىپسىزدىك كەڭەسىنەن باستاپ بىرىككەن ۇلتتار ۇيىمىنا تەرەڭ رەفورما جۇرگىزۋدى ۇسىندى.
"بۇۇ قاۋىپسىزدىك كەڭەسىنىڭ مۇشەلەرى، سونىڭ ىشىندە امەريكا قۇراما شتاتتارى، بۇۇ جارعىسىن دايەكتى تۇردە قورعاۋى كەرەك جانە كەڭەستىڭ بەدەلدى جانە ءتيىمدى بولىپ قالۋى ءۇشىن سيرەك كەزدەسەتىن، توتەنشە جاعدايلاردى قوسپاعاندا، "ۆەتو" قۇقىعىن قولدانۋدان باس تارتۋى كەرەك. سوندىقتان امەريكا قۇراما شتاتتارى كەڭەستىڭ تۇراقتى جانە تۇراقتى ەمەس وكىلدەرىنىڭ سانىن كوبەيتۋدى قولدايدى",- دەدى ول.
"ادىرنا" ۇلتتىق پورتالى
