AQSh prezıdenti Djo Baıden Reseı "BUU Jarǵysyn aıtarlyqtaı buzdy" dep málimdedi. Bul týraly ol BUU Bas assambleıasynyń sessııasynda aıtty, dep jazady "Adyrna" ulttyq portaly.
Baıden Reseı Ýkraınaǵa qarsy ashyq soǵys jarııalap, Ýkraına aýmaǵynyń bir bóligin anneksııalaýǵa tyrysyp, jalǵan referendým uıymdastyrdy dep aıyptady.
"BUU Qaýipsizdik Keńesiniń turaqty múshesi egemen memleketti álem kartasynan óshirmek bolyp kórshi elge basyp kirdi. Qazir Reseı soǵysqa sarbazdardy kóbirek shaqyryp jatyr, Kreml Ýkraınanyń keıbir bólikterin anneksııalaýǵa áreket jasap, jalǵan referendým uıymdastyrýda. Reseı BUU Jarǵysynyń negizgi erejelerin óreskel buzdy. Bul jerde kórshi elder aýmaǵyn kúshtep basyp alýyna naqty tyıym salýdan mańyzdy eshteńe joq", - dedi AQSh prezıdenti.
Baıden BUU Qaýipsizdik keńesinen bastap Birikken Ulttar Uıymyna tereń reforma júrgizýdi usyndy.
"BUU Qaýipsizdik Keńesiniń músheleri, sonyń ishinde Amerıka Qurama Shtattary, BUU Jarǵysyn dáıekti túrde qorǵaýy kerek jáne Keńestiń bedeldi jáne tıimdi bolyp qalýy úshin sırek kezdesetin, tótenshe jaǵdaılardy qospaǵanda, "veto" quqyǵyn qoldanýdan bas tartýy kerek. Sondyqtan Amerıka Qurama Shtattary Keńestiń turaqty jáne turaqty emes ókilderiniń sanyn kóbeıtýdi qoldaıdy",- dedi ol.
"Adyrna" ulttyq portaly
