ادىلەتتى قازاقستانعا تارتقان جول

4997
Adyrna.kz Telegram

قر پرەزيدەنتى ق.توقاەۆتىڭ قازاقستان حالقىنا جولداۋىن زور ىقىلاسپەن وقىپ شىقتىم. وتە سالماقتى دا ماڭىزدى قۇجات. تاپ بۇگىنگىدەي كۇردەلى احۋالدا نە ىستەۋ كەرەك دەگەن سۇراققا جاۋاپ بەرۋگە تىرىسقان. ماسەلەنىڭ ەكونوميكالىق، ساياسي، الەۋمەتتىك، رۋحاني، تاعى باسقا قىرلارىن ينتەللەكتۋالدى ىزدەنىسپەن، ەموتسيالىق تولعانىسپەن تالداپتى.

مۇندا ميلليونداعان وتانداستىڭ جاقسى ومىرگە ۇمتىلىسىنىڭ تاجىريبەسى، ۇرپاعىنىڭ بولاشاعىنا الاڭداپ، قاڭتار قاسىرەتىنە ۇرىندىرعان ادىلەتسىزدىككە نارازىلىعى كورىنىس تاپقان. پرەزيدەنت ءوز ۇسىنىستارى مەن شەشىمدەرىن 5 باعىتقا بولگەن. ءبارى تولعاعى جەتكەن قاجەتتىلىكتەر. تاپسىرمالاردىڭ اتقارىلۋ مەرزىمدەرى دە نازارىنان تىس قالماعان.

ماسەلەن، قۇرىلىس سالاسىنداعى ءبىرشاما ەرەجەلەر مەن نورمالار كەڭەستىك جىلداردان بەرى ساقتالىپ كەلە جاتىر. ونداي مۇرالار ءبىلىم بەرۋ، دەنساۋلىق ساقتاۋ، اۋىل شارۋاشىلىعى سالالارىندا بار. دەمەك، جاڭا قازاقستاندى قۇرۋ ءۇشىن الدىمەن ءوزىمىز وزگەرۋىمىز كەرەك. قيىننىڭ قيىنى وسى بولار، ءسىرا!

شىعىنى كوپ، پايداسى جوق جوبالاردى كۇن تارتىبىنە قويۋمەن قالتاسىن تولتىرعاندار، كوزبوياۋشىلىقتى شەبەر يگەرگەن پىسىقايلار از ەمەستىگى راس. 2019 جىلى ەڭ جوعارى بيلىككە كەلگەننەن بەرى پرەزيدەنتىمىز ق.توقاەۆ حالىققا 5-جولداۋىن جاريالاپ وتىر. عىلىم ماسەلەسى تالدانباي قالۋدا. ال عىلىمسىز قوعامنىڭ ىلگەرىلەۋى مۇمكىن ەمەس. بۇل سان مارتە دالەلدەنگەن اقيقات. بارشا سانالى ءومىرىم عىلىمدا وتكەندىكتەن، ماسەلەن، مەن مەملەكەت باسشىسىنان قازاقستان عىلىمىنا قاتىستى تىڭ ويلار مەن باستامالاردى كۇتەمىن. ادىلەتتى جاڭا قازاقستانعا عىلىممەن جول تارتسا، شىنىمەن الەمدىك بيىكتىككە كوتەرىلە الامىز.

حانگەلدى ءابجانوۆ، تاريح عىلىمىنىڭ دوكتورى، پروفەسسور:

پىكىرلەر