Ádiletti Qazaqstanǵa tartqan jol

4142
Adyrna.kz Telegram

QR Prezıdenti Q.Toqaevtyń Qazaqstan halqyna Joldaýyn zor yqylaspen oqyp shyqtym. Óte salmaqty da mańyzdy qujat. Tap búgingideı kúrdeli ahýalda ne isteý kerek degen suraqqa jaýap berýge tyrysqan. Máseleniń ekonomıkalyq, saıası, áleýmettik, rýhanı, taǵy basqa qyrlaryn ıntellektýaldy izdenispen, emoııalyq tolǵanyspen taldapty.

Munda mıllıondaǵan otandastyń jaqsy ómirge umtylysynyń tájirıbesi, urpaǵynyń bolashaǵyna alańdap, Qańtar qasiretine uryndyrǵan ádiletsizdikke narazylyǵy kórinis tapqan. Prezıdent óz usynystary men sheshimderin 5 baǵytqa bólgen. Bári tolǵaǵy jetken qajettilikter. Tapsyrmalardyń atqarylý merzimderi de nazarynan tys qalmaǵan.

Máselen, qurylys salasyndaǵy birshama erejeler men normalar keńestik jyldardan beri saqtalyp kele jatyr. Ondaı muralar bilim berý, densaýlyq saqtaý, aýyl sharýashylyǵy salalarynda bar. Demek, Jańa Qazaqstandy qurý úshin aldymen ózimiz ózgerýimiz kerek. Qıynnyń qıyny osy bolar, sirá!

Shyǵyny kóp, paıdasy joq jobalardy kún tártibine qoıýmen qaltasyn toltyrǵandar, kózboıaýshylyqty sheber ıgergen pysyqaılar az emestigi ras. 2019 jyly eń joǵary bılikke kelgennen beri Prezıdentimiz Q.Toqaev halyqqa 5-joldaýyn jarııalap otyr. Ǵylym máselesi taldanbaı qalýda. Al ǵylymsyz qoǵamnyń ilgerileýi múmkin emes. Bul san márte dáleldengen aqıqat. Barsha sanaly ómirim ǵylymda ótkendikten, máselen, men Memleket basshysynan Qazaqstan ǵylymyna qatysty tyń oılar men bastamalardy kútemin. Ádiletti Jańa Qazaqstanǵa ǵylymmen jol tartsa, shynymen álemdik bıiktikke kóterile alamyz.

Hangeldi ÁBJANOV, tarıh ǵylymynyń doktory, professor:

Pikirler
Uqsas jańalyqtar