رەسەي پرەزيدەنتى ۆلاديمير پۋتين رەسەي ۇكىمەتىنە ورىس ءتىلىن ىلگەرىلەتۋگە حالىقارالىق باعدارلامالاردى قارجىلاندىرۋدى ۇلعايتۋدى تاپسىردى. بۇل تۋرالى ول جولداۋىندا ايتتى، دەپ حابارلايدى “ادىرنا” ۇلتتىق پورتالى.
"رەسەي اراب مەملەكەتتەرىمەن بۇرىننان جاقسى قارىم-قاتىناستا. ولار بۇگىندە قارقىندى دامىپ كەلە جاتقان سولتۇستىك افريكادان تاياۋ شىعىسقا دەيىنگى ەرەكشە وركەنيەتتى بىلدىرەدى. ءبىز اراب دوستارىمىزبەن جاڭا بايلانىس نۇكتەلەرىن ىزدەۋدى، سەرىكتەستىكتەردىڭ بارلىق كەشەنىن تەرەڭدەتۋدى ماڭىزدى دەپ سانايمىز. ءبىز لاتىن امەريكاسى باعىتىندا دا سولاي جاسايمىز. ۇكىمەتتەن ورىس ءتىلىن جانە ءبىزدىڭ كوپۇلتتى مادەنيەتىمىزدى ىلگەرىلەتۋ سالاسىنداعى حالىقارالىق باعدارلامالاردى، ەڭ الدىمەن تمد كەڭىستىگىندە جانە جالپى الەمدە قارجىلاندىرۋدى ۇلعايتۋدى سۇرايمىن", - دەدى پۋتين.
