الماتى قالاسى ىشكى ساياسات باسقارماسىنىڭ قولداۋىمەن «ادىرنا» ۇلتتىق بىرلەستىگى بىرنەشە كەزدەسۋلەر وتكىزدى. جاقىندا ۇلتتىق ۇلان گۆاردياسىنىڭ №75/52 اسكەري بولىمشەسىندە عالىم امانقوس مەكتەپپەن كەزدەسۋ ءوتتى. ساربازدار مەن ساردارلار بۇل كەزدەسۋدە قازاق ءتىلىنىڭ، جازۋىنىڭ تاعدىرى تۋرالى عالىمنىڭ اڭگىمەسىن قىزىعا تىڭدادى.
امانقوس مەكتەپ بايىرعى تۇركىلەردىڭ جازۋى تۋرالى ءوز زەرتتەۋلەرىنىڭ ناتيجەسىمەن ءبولىستى. ءار ءارىپ تاڭباسىنىڭ پايدا بولۋىنىڭ وزىندىك قۇپياسى بولعاندىعىن ءوزى دايىنداعان كەستە نەگىزىندە اڭگىمەلەدى. عىلىمدا بىتىك، ورحان، رۋنيكا جازۋلارى دەپ اتالاتىن بابالار ءالىپبيىنىڭ تاريحىنا قىزىقتى شولۋلار جاساعان عالىم، ءبىر ساعاتقا جۋىق بايانداما جاسادى. اڭگىمەنى اراسىندا وزىنە قويىلعان سۇراقتارعا تولىققاندى جاۋاپ بەرىپ وتىردى. ءوزىنىڭ جازعان كىتاپتارىن كورسەتىپ، بۇل عىلىمي شىعارمالارىنىڭ مازمۇنىنا كەڭىنەن توقتالدى.
عالىم ءوز ءسوزىنىڭ ەكىنشى جارتىسىندا ەلىمىز بەن الەمدە بولىپ جاتقان جاعدايلارعا دا بايلانىستى ءوز پىكىرىن ءبىلدىردى. اسىرەسە قازىرگى تاڭدا كەيبىرەۋلەردىڭ ماعىناسى ءتۇرلى كۇدىكتى ءدىني اعىمداردىڭ ىقپالىنا ءتۇسىپ جاتقانىن ايتتى. كەيبىر قىز-كەلىنشەكتەردىڭ مەن ەر ادامداردىڭ دا بىزگە جات كيىمدەردى كيىپ، جاقىن اڭگىمەلەسكەندە ءدىني بىلىمدەرىنىڭ وتە تاياز ەكەنىن ءبىلىنىپ تۇراتىنىنا باسا نازار اۋداردى. كەزدەسۋگە جينالعاندارعا وسىنداي كەلەڭسىزدىكتەردەن ءوز تۋىستارىنىڭ، اسىرەسە جاستاردىڭ اباي بولۋىن ەسكەرتتى. قازاقتىڭ ۇلتتىق رۋحاني قۇندىلىقتارىن ءبىلىپ ۇيرەنۋگە شاقىردى. بۇل ءۇشىن ەلىمىزدە بارلىق جاعداي جاسالعانىن اتاپ ايتتى.
عالىم وتان دەگەنىمىز ادامدار، شەكارا، جەر كولەمى، قازبا بايلىقتار ەكەنىن ايتا كەلىپ، سولاردىڭ قاتارىندا ەڭ باعالى رۋحاني قۇندىلىقتار تۋرالى دا ايتتى. كەزەدسۋ سوڭىندا كىتاپتار كورمەسىن تاماشالاعان اسكەري بولىمشەنىڭ قىزمەتكەرلەرى عالىممەن بىرگە سۋرەتكە ءتۇستى.
اسكەري بولىمشەنىڭ وكىلى بۇنداي كەزدەسۋلەردىڭ اسكەري ماماندىق يەلەرىنە وتە پايدالى ەكەنىن ايتا كەلىپ، عالىمدى بولاشاقتا تاعى دا كەلىپ ءوز شىعارماشىلىعىمەن ءبولىسىپ تۇرۋىن ءوتىندى.
