Almaty qalasy Ishki saıasat basqarmasynyń qoldaýymen «Adyrna» ulttyq birlestigi birneshe kezdesýler ótkizdi. Jaqynda Ulttyq Ulan gvardııasynyń №75/52 áskerı bólimshesinde ǵalym Amanqos Mekteppen kezdesý ótti. Sarbazdar men sardarlar bul kezdesýde qazaq tiliniń, jazýynyń taǵdyry týraly ǵalymnyń áńgimesin qyzyǵa tyńdady.
Amanqos Mektep baıyrǵy túrkilerdiń jazýy týraly óz zertteýleriniń nátıjesimen bólisti. Ár árip tańbasynyń paıda bolýynyń ózindik qupııasy bolǵandyǵyn ózi daıyndaǵan keste negizinde áńgimeledi. Ǵylymda Bitik, Orhan, Rýnıka jazýlary dep atalatyn babalar álipbıiniń tarıhyna qyzyqty sholýlar jasaǵan ǵalym, bir saǵatqa jýyq baıandama jasady. Áńgimeni arasynda ózine qoıylǵan suraqtarǵa tolyqqandy jaýap berip otyrdy. Óziniń jazǵan kitaptaryn kórsetip, bul ǵylymı shyǵarmalarynyń mazmunyna keńinen toqtaldy.
Ǵalym óz sóziniń ekinshi jartysynda elimiz ben álemde bolyp jatqan jaǵdaılarǵa da baılanysty óz pikirin bildirdi. Ásirese qazirgi tańda keıbireýlerdiń maǵynasy túrli kúdikti dinı aǵymdardyń yqpalyna túsip jatqanyn aıtty. Keıbir qyz-kelinshekterdiń men er adamdardyń da bizge jat kıimderdi kıip, jaqyn áńgimeleskende dinı bilimderiniń óte taıaz ekenin bilinip turatynyna basa nazar aýdardy. Kezdesýge jınalǵandarǵa osyndaı keleńsizdikterden óz týystarynyń, ásirese jastardyń abaı bolýyn eskertti. Qazaqtyń ulttyq rýhanı qundylyqtaryn bilip úırenýge shaqyrdy. Bul úshin elimizde barlyq jaǵdaı jasalǵanyn atap aıtty.
Ǵalym Otan degenimiz adamdar, shekara, jer kólemi, qazba baılyqtar ekenin aıta kelip, solardyń qatarynda eń baǵaly rýhanı qundylyqtar týraly da aıtty. Kezedsý sońynda kitaptar kórmesin tamashalaǵan áskerı bólimsheniń qyzmetkerleri ǵalymmen birge sýretke tústi.
Áskerı bólimsheniń ókili bundaı kezdesýlerdiń áskerı mamandyq ıelerine óte paıdaly ekenin aıta kelip, ǵalymdy bolashaqta taǵy da kelip óz shyǵarmashylyǵymen bólisip turýyn ótindi.
