تالعاردا مەكتەپ وقۋشىلارى توبەلەسىپ، ءبىر بالا اۋرۋحاناعا ءتۇستى. بۇل تۋرالى جۋرناليست قاراگوز ءسىمادىل ءوزىنىڭ فەيسبۋك پاراقشاسىندا حابارلادى، دەپ جازادى "ادىرنا" ۇلتتىق پورتالى.
"الماتى وبلىسىنىڭ اكىمدىگى، عالىمۇرات جۇكەل، الماتى وبلىسى ءبىلىم باسقارماسى باسشىسىنىڭ ورىنباسارى گۇلسارا يساعۇلوۆا، تالعار اۋداندىق ءبىلىم ءبولىمىنىڭ باسشىسى قارلىعا سادۋاقاسوۆا، تالعارداعى مەكتەپتە جوعارى سىنىپ وقۋشىلارى توبەلەسىپ، ءبىر بالا اۋرۋحاناعا ءتۇستى دەيدى. توبەلەس مەكتەپ اۋلاسىنداعى دارەتحانا ماڭىندا بولعان. قازىر ول دارەتحانانى جەدەل-جەدەل بۇزىپ تاستاعان ەكەن. اۋرۋحاناعا تۇسكەن بالانىڭ ءحالى قالاي؟ توبەلەس بولعان جەردى بۇزعاننان ماسەلە شەشىلىپ كەتە مە؟ الدە تەكسەرىس بولا قالسا ول جەر وقۋشى باراتىن جەر ەمەس ەدى دەگەن دايەك كەرەك بولىپ تۇر ما؟", - دەپ جازدى جۋرناليست.
"ادىرنا" ۇلتتىق پورتالى
