شىمكەنت قالاسىنىڭ اكىمى مۇرات ايتەنوۆ اباي اۋدانىنا قاراستى جاڭاتالاپ تۇرعىن الابىندا جۇرگىزىلىپ جاتقان قۇرىلىس جۇمىستارىن باقىلادى، دەپ جازادى "ادىرنا" ۇلتتىق پورتالى.
بىلتىر ەلدىمەكەننىڭ 6 مىڭنان استام تۇرعىنى اۋىز سۋمەن قامتىلعان بولاتىن. ەندىگى كەزەك ساپالى ەلەكتر قۋاتىندا. "جاڭاتالاپ" پودستانتسياسى قۇرىلىسىنىڭ 90% اياقتالعان.
قازىرگى تاڭدا جالپى ۇزىندىعى 42,2 شاقىرىمعا ەلەكتر جەلىلەرى تارتىلۋدا، اياقتالۋ مەرزىمى - قازان ايىنىڭ سوڭىنا جوسپارلانعان.
شاھار باسشىسى اۋىل اقساقالدارى مەن قوعام بەلسەندىلەرىنە قۇرىلىس جۇمىسىمەن قاتار ابونەنتتەۋ جۇمىستارىنىڭ جۇرگىزىلۋىنە جەرگىلىكتى تۇرعىنداردى جۇمىلدىرۋ كەرەكتىگىن ايتىپ ءوتتى.
- ابونەنتتەۋ، ەسكى جۇيەنى جاڭا جۇيەگە قوسۋعا دا ۋاقىت كەتەدى. سوندىقتان قۇجاتتاردى قازىردەن باستاپ دايىنداۋعا كىرىسىڭىزدەر. ال جۇمىستىڭ مەرزىمىندە جانە ساپالى ورىندالۋى ءبىزدىڭ باقىلاۋىمىزدا،-دەدى اكىم.
بۇدان بولەك بيىل 2 كوشە، اتاپ ايتقاندا 1,5 شاقىرىمدى قۇرايتىن جۇمانوۆ جانە ايدارقۇل كوشەلەرىنە جارىق ورناتىلۋدا. ازىرگە جۇمىستىڭ 20%-ى ورىندالدى.
"ادىرنا" ۇلتتىق پورتالى