Shymkent qalasynyń ákimi Murat Áıtenov Abaı aýdanyna qarasty Jańatalap turǵyn alabynda júrgizilip jatqan qurylys jumystaryn baqylady, dep jazady "Adyrna" ulttyq portaly.
Byltyr eldimekenniń 6 myńnan astam turǵyny aýyz sýmen qamtylǵan bolatyn. Endigi kezek sapaly elektr qýatynda. "Jańatalap" podstanııasy qurylysynyń 90% aıaqtalǵan.
Qazirgi tańda jalpy uzyndyǵy 42,2 shaqyrymǵa elektr jelileri tartylýda, aıaqtalý merzimi - qazan aıynyń sońyna josparlanǵan.
Shahar basshysy aýyl aqsaqaldary men qoǵam belsendilerine qurylys jumysymen qatar abonentteý jumystarynyń júrgizilýine jergilikti turǵyndardy jumyldyrý kerektigin aıtyp ótti.
- Abonentteý, eski júıeni jańa júıege qosýǵa da ýaqyt ketedi. Sondyqtan qujattardy qazirden bastap daıyndaýǵa kirisińizder. Al jumystyń merziminde jáne sapaly oryndalýy bizdiń baqylaýymyzda,-dedi ákim.
Budan bólek bıyl 2 kóshe, atap aıtqanda 1,5 shaqyrymdy quraıtyn Jumanov jáne Aıdarqul kóshelerine jaryq ornatylýda. Ázirge jumystyń 20%-y oryndaldy.
"Adyrna" ulttyq portaly
