ءورتتىڭ ەكى كۋاگەرى - سامات بەرىك پەن الەكسەي لەششەنكو - ريددەردەگى ورتەنىپ جاتقان ۇيگە كىرىپ، قۇتقارۋشىلار جەتكەنشە ەرلى-زايىپتىلاردى ورتتەن الىپ شىقتى، - دەپ حابارلايدى "ادىرنا" ءتىلشىسى.
وقيعا تۇنگى ساعات ەكىدە ريددەردىڭ جەكە سەكتورىندا بولعان. سەمەي كوشەسىنىڭ بويىنداعى اۋلالاردىڭ بىرىندە فولكسۆاگەن گولف كولىگى ورتەنىپ كەتتى. ءورت تەز ارادا ءۇيدىڭ كىرەبەرىسىندەگى اعاش قۇرىلىمدارىنا، قابىرعالارعا، جارتىلاي تۇرعىن ءۇيدىڭ شاتىرىنا جانە شارۋاشىلىق قۇرىلىستارىنا تارادى.
«ءورت سوندىرۋشىلەر كەلگەنگە دەيىن قاسىنان ءوتىپ بارا جاتقان بەيتانىس كىسىلەر 1962 جىلى تۋعان ءۇي يەلەرىن قۇتقارىپ قالدى. ءورتتى كورگەن ەر ادامدار دەرەۋ ۇيگە جەتىپ، تەرەزەنى سىندىرىپ، ىشىندە بىرەۋ بار ما دەپ سۇرادى. شلانگتان ءورت شىقتى. سامات پەن الەكسەي ۇيگە كىرىپ، ءۇي يەسىن قولىنان سۇيرەپ كوشەگە شىعاردى. سودان كەيىن ولار جانۋ ونىمدەرىمەن ۋلانىپ قالماس ءۇشىن ايەلىن قاۋىپسىز جەرگە اپاردى. ءتۇتىن وتە كوپ بولدى", - دەدى. بۇل تۋرالى شىعىس قازاقستان وبلىسىنىڭ توتەنشە جاعدايلار دەپارتامەنتى حابارلادى.
وقيعا ورنىنا جەتكەن ءورت ءسوندىرۋ قىزمەتىنىڭ بولىمشەلەرى جالپى اۋماعى 35 شارشى مەتردى قۇرايتىن ءورتتى ءسوندىردى.
ءورتتىڭ الدىن الا انىقتالعان سەبەبى - قاۋىپتىلىگى جوعارى قوندىرعىنى مۇقيات قولدانباۋ.
ەرلى-زايىپتىلاردىڭ قۇتقارۋشىلارىنا كەلەتىن بولساق، ولار وزدەرىن باتىر دەپ سانامايدى. ولاردىڭ ورنىندا ءبارى وسىلاي ىستەيتىن ەدى دەيدى. بەلگىلى بولعانداي، سامات بەرىك پەن الەكسەي لەششەنكو جەرگىلىكتى شاحتالاردا جۇمىس ىستەيدى.
ۆيدەو Tengrinews.kz سايتىنان الىندى.
"ادىرنا" ۇلتتىق پورتالى
