قازاقستاندا ترانسۇلتتىق قىلمىستىق توپتىڭ 11 مۇشەسى ۇستالدى (ۆيدەو)

8863
Adyrna.kz Telegram

پوليتسيا قىزمەتكەرلەرى ترانسۇلتتىق قىلمىستىق توپتىڭ 11 مۇشەسىن ۇستادى، - دەپ حابارلايدى "ادىرنا" ءتىلشىسى Polisia.kz سايتىنا سىلتەمە جاساپ.

جەدەل ءىس-شارالار جۇرگىزۋ بارىسىندا ءىىم ۇيىمداسقان قىلمىسقا قارسى كۇرەس دەپارتامەنتى باس پروكۋراتۋرانىڭ كومەگىمەن ءبىر-بىرىنە قارسى تۇرعان ەكى ترانسۇلتتىق قىلمىستىق توپتىڭ ارەكەتىن توقتاتتى. ولار ءوز ۇلتىنىڭ كاسىپكەرلەرىنە زاڭسىز سالىق سالىپ، ولاردىڭ اراسىندا قىلمىستىق يدەيالار مەن قاستانداقى ارەكەتتەرىن تاراتۋعا ارەكەتتەنگەن.

الماتى، اتىراۋ، پەتروپاۆل، اقتاۋ جانە جامبىل وبلىسى اۋماعىندا جۇرگىزىلگەن ارنايى وپەراتسيا بارىسىندا  ىىم ارنايى جاساقتارىنىڭ قاتىسۋىمەن جەدەل ۋاكىلدەر قىلمىستىق توپتىڭ 11 مۇشەسىن، ونىڭ ىشىندە قىلمىسقا قاتىسى بار دەپ جوسپارلانعان كىسى ءولتىرۋشىنى ۇستادى.

ولاردىڭ تۇرعىلىقتى جەرىندە 25 جەدەل-ىزدەستىرۋ ءىس-شاراسى جۇرگىزىلىپ، ونىڭ بارىسىندا اتىس قارۋىنىڭ ارسەنالى، اسا ءىرى كولەمدەگى شەتەل ۆاليۋتاسى، سونداي-اق اسا ءىرى كولەمدەگى ەسىرتكى زاتتارى تاركىلەندى. ۇستالعاندارعا قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى. قىلمىسقا باسقا دا سىبايلاستارىن ۇستاۋ جانە قىلمىستىق جاۋاپكەرشىلىككە تارتۋ شارالارى جۇرگىزىلۋدە.

"ادىرنا" ۇلتتىق پورتالى

پىكىرلەر