قىرعىزستان پارلامەنتىنىڭ دەپۋتاتتارى اگرارلىق ساياسات، سۋ رەسۋرستارى، ەكولوگيا جانە وڭىرلىك دامۋ كوميتەتىنىڭ وتىرىسىندا ورىس تىلىندە بايانداما جاساعان شەنەۋنىكتەردى تىڭداۋدان باس تارتتى. بۇل تۋرالى 24.kg حابارلادى، دەپ جازادى "ادىرنا" ۇلتتىق پورتالى.
ۋلان توروگەلديەۆ دەپۋتاتتارعا «باياندامانى رەسمي تىلدە جاساڭدار» دەپ ءوتىنىش ءبىلدىردى، بىراق ولار بۇل ءوتىنىشتى قابىلدامادى.
«قىرعىز ءتىلىن دامىتۋ ماقساتىندا ءبىز باياندامالاردى تەك مەملەكەتتىك تىلدە تىڭداۋدى ءجون كوردىك»، - دەدى كوميتەت توراعاسى امانقان كەنجەباەۆ.
دەپۋتات جانىبەك قىدىقباەۆ باياندامانىڭ "سالىقتىق ەمەس كىرىستەر تۋرالى" قر كودەكسىنە ەنگىزىلگەن وزگەرىستەرگە قاتىستى ەكەنىن جانە سالىق تولەۋشىلەر اراسىندا ورىس تىلىندە سويلەيتىندەر دە بار ەكەنىن اتاپ ءوتتى.
«سوندىقتان ءبىز ءبىر رەت تىڭدايىق. ال كەلەسى وتىرىسقا قىرعىز تىلىندە دايىندالسىن»، - دەدى دەپۋتات، بىراق ۇسىنىس قولداۋ تاپپادى.
«ءبىزدى بۇكىل رەسپۋبليكا تىڭدايدى. ولاردىڭ ىشىندە 80 پايىزى قىرعىز تىلىندە سويلەيدى، 10 پايىزى ورىس تىلىندە سويلەيدى. كوپشىلىكتى قۇرمەتتەۋ كەرەك»، - دەدى دەپۋتات الىشەر قوزۋەۆ.
"ادىرنا" ۇلتتىق پورتالى
