Depýtattar orys tilinde baıandama jasaǵan sheneýnikterdi tyńdaýdan bas tartty

2706
Adyrna.kz Telegram

Qyrǵyzstan parlamentiniń depýtattary Agrarlyq saıasat, sý resýrstary, ekologııa jáne Óńirlik damý komıtetiniń otyrysynda orys tilinde baıandama jasaǵan sheneýnikterdi tyńdaýdan bas tartty. Bul týraly 24.kg habarlady, dep jazady "Adyrna" ulttyq portaly. 

Ýlan Torogeldıev depýtattarǵa «baıandamany resmı tilde jasańdar» dep ótinish bildirdi, biraq olar bul ótinishti qabyldamady.

«Qyrǵyz tilin damytý maqsatynda biz  baıandamalardy tek memlekettik tilde tyńdaýdy jón kórdik», - dedi Komıtet tóraǵasy Amanqan Kenjebaev.

Depýtat Janybek Qydyqbaev baıandamanyń "salyqtyq emes kirister týraly" QR Kodeksine engizilgen ózgeristerge qatysty ekenin jáne salyq tóleýshiler arasynda orys tilinde sóıleıtinder de bar ekenin atap ótti.

«Sondyqtan biz bir ret tyńdaıyq. Al kelesi otyrysqa qyrǵyz tilinde daıyndalsyn», - dedi depýtat, biraq usynys qoldaý tappady.

«Bizdi búkil respýblıka tyńdaıdy. Olardyń ishinde 80 paıyzy qyrǵyz tilinde sóıleıdi, 10 paıyzy orys tilinde sóıleıdi. Kópshilikti qurmetteý kerek», - dedi depýtat Álisher Qozýev.

"Adyrna" ulttyq portaly 

Pikirler