سەناتورلار ءبىر كۇندىك جالاقىنى قوستاناي وبلىسىندا ورتتەن زارداپ شەككەندەرگە اۋدارادى. بۇل تۋرالى سەنات تورعاسى ماۋلەن اشىمباەۆ مالىمدەدى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ تاپسىرماسىمەن اپاتتى اۋىزدىقتاۋ ءۇشىن ارنايى جەدەل شتاب قۇرىلعانى بەلگىلى. ۇكىمەتكە توتەنشە جاعداي سالدارىن جويۋ ءۇشىن قاجەتتى قاراجات ءبولۋ جانە باسپانالارىنان ايىرىلعان ازاماتتارعا ارناپ جاڭا تۇرعىن ۇيلەر سالۋ جۇمىسىن جەدەل باستاۋ جونىندە تاپسىرما بەرىلدى. اپاتپەن كۇرەس جۇمىستارىنا پارلامەنت سەناتى دا ءوز ۇلەسىن قوسادى. قوستاناي وبلىسىنان سايلانعان سەناتورلار جەدەل شتابتىڭ جۇمىسىنا اتسالىسۋدا. سونداي-اق سەنات دەپۋتاتتارى زارداپ شەككەندەرگە كومەك رەتىندە ءبىر كۇندىك جالاقىلارىن اۋدارادى»،— دەدى ول.
