«Kostanay Music Fest» مۋزىكا فەستيۆالىنىڭ ۇيىمداستىرۋشىلارى ءورت كەزىندە وتكەن كونتسەرت تۋرالى تۇسىنىكتەمە بەردى، دەپ حابارلايدى «ادىرنا» ءتىلشىسى.
«بۇل كونتسەرت جەكە قاراجات ەسەبىنەن ۇيىمداستىرىلدى. قوستانايداعى ارتىستەردىڭ ونەرىن تاماشالاۋعا قازاقستاننىڭ كوپتەگەن قالاسىنان مىڭداعان جاس كەلدى. ءبىر ايدا 16 000 بيلەت ساتىلدى. ءبىز تەك شارا باستالار كەزدە عانا ءورتتىڭ ورشىگەنىن جانە ءبىر ادامنىڭ قايتىس بولعانىن بىلدىك. ال بۇل ۋاقىتتا كورەرمەندەردىڭ بارلىعى ستاديون الدىندا تۇردى. كونتسەرتتى توقتاتۋعا مۇمكىندىك بولمادى. باسىنان-اق تۇسكەن قارجىنى تولىقتاي قايىرىمدىلىققا اۋدارامىز دەپ جوسپارلاعان ەدىك. سول سەبەپتى زارداپ شەككەندەرگە كونتسەرتتەن تۇسكەن اقشانى اۋدارامىز، ياعني 50 ميلليون تەڭگە وسى تابيعي اپاتتان قيىن جاعدايعا تاپ بولعان ادامدارعا كومەك رەتىندە بەرىلەدى»،—دەدى اتالعان شارانى ۇيىمداستىرۋشىلاردىڭ ءبىرى الماس ءجالي.
