«Kostanay Music Fest» mýzyka festıvaliniń uıymdastyrýshylary órt kezinde ótken konert týraly túsinikteme berdi, dep habarlaıdy «Adyrna» tilshisi.
«Bul konert jeke qarajat esebinen uıymdastyryldy. Qostanaıdaǵy ártisterdiń ónerin tamashalaýǵa Qazaqstannyń kóptegen qalasynan myńdaǵan jas keldi. Bir aıda 16 000 bılet satyldy. Biz tek shara bastalar kezde ǵana órttiń órshigenin jáne bir adamnyń qaıtys bolǵanyn bildik. Al bul ýaqytta kórermenderdiń barlyǵy stadıon aldynda turdy. Konertti toqtatýǵa múmkindik bolmady. Basynan-aq túsken qarjyny tolyqtaı qaıyrymdylyqqa aýdaramyz dep josparlaǵan edik. Sol sebepti zardap shekkenderge konertten túsken aqshany aýdaramyz, ıaǵnı 50 mıllıon teńge osy tabıǵı apattan qıyn jaǵdaıǵa tap bolǵan adamdarǵa kómek retinde beriledi»,—dedi atalǵan sharany uıymdastyrýshylardyń biri Almas Jálı.
