زەينەتاقى قورىنىڭ باسشىلارى 228 ملن تەڭگە سىياقى العان

998
Adyrna.kz Telegram

زەينەتاقى قورىنىڭ قىزمەتكەرلەرى ىسساپارعا 53 ملن تەڭگەدەن ارتىق اقشا جۇمساعان. بۇل تۋرالى "حالىق ءۇنى" اقپارات اگەنتتىگى حابارلادى، دەپ جازادى "ادىرنا" ۇلتتىق پورتالى. 

بىرىڭعاي جيناقتاۋشى زەينەتاقى قورى ينۆەستورلارىنىڭ ديۆيدەندتىك كىرىسى 14%-عا ءوستى، دەلىنگەن قوردىڭ 2021 جىلعى قارجىلىق ەسەبىندە.

2021 جىلى بجزق ديۆيدەنتتىك كىرىسى 29 ملرد تەڭگەدەن استى، 2020 جىلى كورسەتكىش 25,4 ملرد تەڭگە بولعان ەدى.

ينۆەستيتسيالىق تابىستىڭ ءوسۋى ءبىرىنشى كەزەكتە قازاقستاندىق كومپانيالاردىڭ اكتسيالارىنىڭ وسۋىنە تىكەلەي بايلانىستى. زەينەتاقى قورى اكتسيالارىن ساتىپ العان «حالىق بانكى» اق-نىڭ جاي اكتسيالارى قوردىڭ جالپى ينۆەستيتسيالىق تابىسىنىڭ 44,5%-ىن، «قازاتومونەركاسىپ» اق اكتسيالارى 26,9%-ىن، «KEGOC» اق اكتسيالارى 10,3%-ىن، «حالىق بانكى» اق دەپوزيتارلىق قولحاتتارى 4,8%-ىن جانە «قازترانسويل» اق اكتسيالارى 4,7%-ىن قۇرايدى. 2020 جىلى بۇل ەميتەنتتەردىڭ باعالى قاعازدارى دا ديۆيدەند بويىنشا ەڭ ءتيىمدى بولىپ شىقتى.

سونىمەن قاتار، دەپوزيتارلىق قولحاتتار مەن «Kcell» اق قاراپايىم اكتسيالارى، «Forte Bank» اق قاراپايىم اكتسيالارى، Fincraft Resources ارتىقشىلىقتى اكتسيالارى جانە RIOINTO PLC قاراپايىم اكتسيالارى ءوز ينۆەستورلارىنا ناقتى ديۆيدەندتەر اكەلدى.

قاراجاتتىڭ باسىم بولىگى شەتەلدىك كومپانيالارعا بەرىلگەن؟

2018 جىلدىڭ ناۋرىز ايىندا بجزق اكتيۆتەرىنىڭ ءبىر بولىگى (ول كەزدە 0,8%) سىرتقى مەنەدجەر – Aviva Investors Global Services Limited باسقارۋىنا بەرىلدى. كەيىن باسقارۋعا تاعى ءتورت كومپانيا تارتىلدى. بجزق-نىڭ اۋديتتەلگەن قارجىلىق ەسەپتىلىگى نەگىزىندە 2021 جىلى 2020 جىلمەن سالىستىرعاندا اكتيۆتەر سىرتقى باسقارۋشىلارعا باسقارۋعا 69,3%-عا كوپ بەرىلدى. ەگەر 2020 جىلى ولار 816,5 ملرد تەڭگەنىڭ اكتيۆتەرىن باسقارسا، 2021 جىلدىڭ وزىندە 1 ترلن 382 ملرد تەڭگەنى قۇرادى.

2021 جىلى 8 شەتەلدىك باسقارۋشى كومپانيا زەينەتاقى اكتيۆتەرىنىڭ ءبىر بولىگىن باسقاردى. ولاردىڭ ىشىندە ەڭ ىرىلەرى Pgim Limited (336,7 ملرد تەڭگە), Principal Global Investors (Europe) Limited (332,9 ملرد تەڭگە) جانە HBC Global Asset Management (UK) Limited (230,3 ملرد تەڭگە). بۇل ءۇش كومپانيانىڭ باسقارۋىنداعى قاراجات سىرتقى باسقارۋعا بەرىلگەن زەينەتاقى اكتيۆتەرىنىڭ 65,1%-ىن قۇرادى.

زەينەتاقى قورىنىڭ ەسەپتەرى بويىنشا شەتەلدىك كومپانيالاردىڭ ينۆەستيتسيالىق باسقارۋىنداعى اكتيۆتەر بويىنشا تازا پايدا 2,8 ەسەگە ءوستى. 2020 جىلى 50,2 ملرد تەڭگەنى قۇراسا، 2021 جىلى 140,9 ملرد تەڭگەدەن اسادى.

ءبىر جىلدا قوردان جيناقتالعان تولەمدەر كولەمى 14,9 ەسەگە ءوستى. ەگەر 2020 جىلى بجزق وسى ماقساتتارعا 193,4 ملرد تەڭگە بولسە، 2021 جىلى – 2 ترلن 882 ملرد تەڭگە. سەبەبى، قازاقستاندىقتارعا ارتىق زەينەتاقىنى تۇرعىن ءۇي جاعدايىن جاقسارتۋ، ەمدەلۋ نەمەسە سەنىمگەرلىك باسقارۋعا بەرۋ ءۇشىن پايدالانۋ قۇقىعى وتكەن جىلى بەرىلگەن بولاتىن. 2021 جىلى سالىمشىلار تۇرعىن ءۇي جاعدايىن جاقسارتۋ جانە ەمدەلۋگە اقى تولەۋ ءۇشىن بجزق-دان 2,5 ترلن تەڭگە شىعاردى، بۇل تولەمدەر سوماسىنىڭ 89,7%-ىن قۇرايدى. تولەمدەردىڭ قالعان سوماسى باسقا ماقساتتارعا باعىتتالدى. ماسەلەن، تولەمدەردىڭ قوماقتى سوماسىن زەينەت جاسىنداعى قازاقستاندىقتار – 99,8 ملرد تەڭگە، مۇراگەرلەر – 51,8 ملرد تەڭگە جانە قازاقستاننان كەتكەندەر – 37,1 ملرد تەڭگە العان.

قوردىڭ اكىمشىلىك شىعىندارى ءوستى

جىلدىق ەسەپكە سۇيەنسەك، قوردىڭ 2021 جىلعى قوردىڭ اكىمشىلىك شىعىندارى 15%-عا ءوسىپ، 2021 جىلى 4,3 ملرد تەڭگەنى قۇرادى، 2020 جىلى كورسەتكىش 3,7 ملرد تەڭگە بولعان ەدى.

سونىڭ ىشىندە ىسساپارعا كەتكەن شىعىن 2,8 ەسە ءوسىپ 53,3 ملن تەڭگەگە جەتتى.

اكىمشىلىك شىعىندارعا جاتپايتىن قىزمەتكەرلەرگە كەتكەن شىعىندار بىلتىر وزگەرىسسىز قالدى. 2020 جىلى قور بۇل ماقساتتارعا 7,8 ملرد تەڭگە، 2021 جىلى 7,9 ملرد تەڭگە جۇمساعان.

ال تولەنگەن سىياقىلار 2021 جىلى 2,4% ءوسىپ 228,1 ملن تەڭگەنى قۇراعان. بۇل قاراجات باسقارما مەن ديرەكتورلار كەڭەسىنىڭ مۇشەلەرىنە تولەندى.

جارنالىق كىرىس ازايدى

بجزق-نىڭ 2021 جىلعا ارنالعان مەنشىكتى اكتيۆتەرى بويىنشا تەكسەرىلگەن ەسەبىنىڭ دەرەكتەرىنە سۇيەنسەك، قوردىڭ جارنالىق كىرىسى ءبىر جىلدا 2,8 ەسەگە ازايعان. 2020 جىلى ولار 42,6 ملرد تەڭگەنى قۇراسا، 2021 جىلى 15,2 ملرد تەڭگەدەن اسپادى.

سونىمەن قاتار، 2021 جىلى قوردىڭ كوميسسيالىق شىعىندارى 6,3 ەسەگە قىسقاردى. 2020 جىلى ول 11,1 ملرد تەڭگەگە جەتسە، 2021 جىلى 1,7 ملرد تەڭگەدەن اسپادى. مۇنداي شىعىنداردىڭ قۇرىلىمىنا قاراساڭىز، سوڭعى ەكى جىلداعىداي ولاردىڭ ىشىندە ەڭ كوپ ۇلەستى ۇلتتىق بانكتىڭ زەينەتاقى اكتيۆتەرىن سەنىمگەرلىك باسقارۋ جونىندەگى قىزمەتتەرى ءۇشىن كوميسسيالىق شىعىندار الىپ وتىر. 2020 جىلى ولاردىڭ ۇلەسى قوردىڭ بارلىق كوميسسيالىق شىعىندارىنىڭ 64%-ىنا، 2021 جىلى 32%-عا جەتتى.

"ادىرنا" ۇلتتىق پورتالى 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket