Zeınetaqy qorynyń basshylary 228 mln teńge syıaqy alǵan

996
Adyrna.kz Telegram

Zeınetaqy qorynyń qyzmetkerleri issaparǵa 53 mln teńgeden artyq aqsha jumsaǵan. Bul týraly "Halyq úni" aqparat agenttigi habarlady, dep jazady "Adyrna" ulttyq portaly. 

Biryńǵaı jınaqtaýshy zeınetaqy qory ınvestorlarynyń dıvıdendtik kirisi 14%-ǵa ósti, delingen qordyń 2021 jylǵy qarjylyq esebinde.

2021 jyly BJZQ dıvıdenttik kirisi 29 mlrd teńgeden asty, 2020 jyly kórsetkish 25,4 mlrd teńge bolǵan edi.

Investıııalyq tabystyń ósýi birinshi kezekte qazaqstandyq kompanııalardyń akııalarynyń ósýine tikeleı baılanysty. Zeınetaqy qory akııalaryn satyp alǵan «Halyq banki» AQ-nyń jaı akııalary qordyń jalpy ınvestıııalyq tabysynyń 44,5%-yn, «Qazatomónerkásip» AQ akııalary 26,9%-yn, «KEGOC» AQ akııalary 10,3%-yn, «Halyq banki» AQ depozıtarlyq qolhattary 4,8%-yn jáne «QazTransOıl» AQ akııalary 4,7%-yn quraıdy. 2020 jyly bul emıtentterdiń baǵaly qaǵazdary da dıvıdend boıynsha eń tıimdi bolyp shyqty.

Sonymen qatar, depozıtarlyq qolhattar men «Kcell» AQ qarapaıym akııalary, «Forte Bank» AQ qarapaıym akııalary, Fincraft Resources artyqshylyqty akııalary jáne RIOINTO PLC qarapaıym akııalary óz ınvestorlaryna naqty dıvıdendter ákeldi.

QARAJATTYŃ BASYM BÓLIGI ShETELDIK KOMPANIIaLARǴA BERILGEN?

2018 jyldyń naýryz aıynda BJZQ aktıvteriniń bir bóligi (ol kezde 0,8%) syrtqy menedjer – Aviva Investors Global Services Limited basqarýyna berildi. Keıin basqarýǵa taǵy tórt kompanııa tartyldy. BJZQ-nyń aýdıttelgen qarjylyq eseptiligi negizinde 2021 jyly 2020 jylmen salystyrǵanda aktıvter syrtqy basqarýshylarǵa basqarýǵa 69,3%-ǵa kóp berildi. Eger 2020 jyly olar 816,5 mlrd teńgeniń aktıvterin basqarsa, 2021 jyldyń ózinde 1 trln 382 mlrd teńgeni qurady.

2021 jyly 8 sheteldik basqarýshy kompanııa zeınetaqy aktıvteriniń bir bóligin basqardy. Olardyń ishinde eń irileri Pgim Limited (336,7 mlrd teńge), Principal Global Investors (Europe) Limited (332,9 mlrd teńge) jáne HBC Global Asset Management (UK) Limited (230,3 mlrd teńge). Bul úsh kompanııanyń basqarýyndaǵy qarajat syrtqy basqarýǵa berilgen zeınetaqy aktıvteriniń 65,1%-yn qurady.

Zeınetaqy qorynyń esepteri boıynsha sheteldik kompanııalardyń ınvestıııalyq basqarýyndaǵy aktıvter boıynsha taza paıda 2,8 esege ósti. 2020 jyly 50,2 mlrd teńgeni qurasa, 2021 jyly 140,9 mlrd teńgeden asady.

Bir jylda qordan jınaqtalǵan tólemder kólemi 14,9 esege ósti. Eger 2020 jyly BJZQ osy maqsattarǵa 193,4 mlrd teńge bólse, 2021 jyly – 2 trln 882 mlrd teńge. Sebebi, qazaqstandyqtarǵa artyq zeınetaqyny turǵyn úı jaǵdaıyn jaqsartý, emdelý nemese senimgerlik basqarýǵa berý úshin paıdalaný quqyǵy ótken jyly berilgen bolatyn. 2021 jyly salymshylar turǵyn úı jaǵdaıyn jaqsartý jáne emdelýge aqy tóleý úshin BJZQ-dan 2,5 trln teńge shyǵardy, bul tólemder somasynyń 89,7%-yn quraıdy. Tólemderdiń qalǵan somasy basqa maqsattarǵa baǵyttaldy. Máselen, tólemderdiń qomaqty somasyn zeınet jasyndaǵy qazaqstandyqtar – 99,8 mlrd teńge, muragerler – 51,8 mlrd teńge jáne Qazaqstannan ketkender – 37,1 mlrd teńge alǵan.

QORDYŃ ÁKIMShILIK ShYǴYNDARY ÓSTI

Jyldyq esepke súıensek, qordyń 2021 jylǵy qordyń ákimshilik shyǵyndary 15%-ǵa ósip, 2021 jyly 4,3 mlrd teńgeni qurady, 2020 jyly kórsetkish 3,7 mlrd teńge bolǵan edi.

Sonyń ishinde issaparǵa ketken shyǵyn 2,8 ese ósip 53,3 mln teńgege jetti.

Ákimshilik shyǵyndarǵa jatpaıtyn qyzmetkerlerge ketken shyǵyndar byltyr ózgerissiz qaldy. 2020 jyly qor bul maqsattarǵa 7,8 mlrd teńge, 2021 jyly 7,9 mlrd teńge jumsaǵan.

Al tólengen syıaqylar 2021 jyly 2,4% ósip 228,1 mln teńgeni quraǵan. Bul qarajat basqarma men dırektorlar keńesiniń múshelerine tólendi.

JARNALYQ KIRIS AZAIDY

BJZQ-nyń 2021 jylǵa arnalǵan menshikti aktıvteri boıynsha tekserilgen esebiniń derekterine súıensek, qordyń jarnalyq kirisi bir jylda 2,8 esege azaıǵan. 2020 jyly olar 42,6 mlrd teńgeni qurasa, 2021 jyly 15,2 mlrd teńgeden aspady.

Sonymen qatar, 2021 jyly qordyń komıssııalyq shyǵyndary 6,3 esege qysqardy. 2020 jyly ol 11,1 mlrd teńgege jetse, 2021 jyly 1,7 mlrd teńgeden aspady. Mundaı shyǵyndardyń qurylymyna qarasańyz, sońǵy eki jyldaǵydaı olardyń ishinde eń kóp úlesti Ulttyq Banktiń zeınetaqy aktıvterin senimgerlik basqarý jónindegi qyzmetteri úshin komıssııalyq shyǵyndar alyp otyr. 2020 jyly olardyń úlesi qordyń barlyq komıssııalyq shyǵyndarynyń 64%-yna, 2021 jyly 32%-ǵa jetti.

"Adyrna" ulttyq portaly 

Pikirler
Redakııa tańdaýy