وقۋ-اعارتۋ ءمينيسترى اسحات ايماعامبەتوۆ قازاقستاندىقتاردى ءبىلىم كۇنىمەن قۇتتىقتادى، دەپ حابارلايدى «ادىرنا» ءتىلشىسءى.
«قۇرمەتتى ارىپتەستەر، وقۋشىلار جانە اتا-انالار!
سىزدەردى 1 قىركۇيەك – جاڭا وقۋ جىلىنىڭ باستالۋىمەن قۇتتىقتايمىن! بۇل - ەرەكشە ەموتسيالاردى تۋدىراتىن مەرەكە، ويتكەنى ءبارىمىز دە وقۋشى بولدىق جانە وسى كۇنى ۇمىتىلماس مەكتەپ جىلدارىن ەسكە الامىز. بۇل - بۇكىل ۇرپاقتى بىرىكتىرەتىن مەرەكە.
بۇل كۇن، اسىرەسە ءبىرىنشى سىنىپ وقۋشىلارى، ولاردىڭ انالارى مەن اكەلەرى، اتا-اجەلەرى ءۇشىن كوڭىل تولقىتار ءساتتىڭ ءبىرى بولادى. بيىل 400 مىڭعا جۋىق بالا 1-سىنىپقا بارادى. ولار العاشقى الىپپەلەرىن قولىنا الىپ، ءبىلىم الەمىنە قادام باسادى.
بۇل - مەكتەپ ءبىتىرۋشى 170 مىڭ تۇلەك ءۇشىن دە ايرىقشا كۇن. ويتكەنى تۇلەكتەر قورىتىندى ەمتيحاندارعا، ۋنيۆەرسيتەتتەرگە تۇسۋگە جانە ومىردەگى جاڭا كەزەڭنىڭ باستالۋىنا دايىندالادى.
ول ىڭعايلى بولۋى ءۇشىن بىلتىردان بەرى ۇبت تاپسىرۋ راسىمىنە بىرنەشە ارتىقشىلىق ەنگىزىلدى. ياعني بۇل - ۇبت-نى 4 رەت تاپسىرۋعا جانە گرانتقا تۇسۋگە 2 مۇمكىندىك.
7,6 مىڭ مەكتەپتە 3,7 ملن بالانى قاجىرلى ەڭبەگى مەن جوعارى كاسىبي شەبەرلىگى ارقاسىندا العىسقا بولەنىپ كەلە جاتقان ۇستازدارىمىز وقىتادى.
قازاقستاندىق مەكتەپتەردە، كوللەدجدەردە، بالاباقشالاردا جانە باسقا دا ءبىلىم بەرۋ ۇيىمدارىندا ۇزدىك مۇعالىمدەر جۇمىس ىستەيدى. ولار - ءوز ىسىنە بەرىلگەن جانە شاكىرتتەرىنىڭ قابىلەتتەرىن اشا بىلەتىن كاسىبي ماماندار. وقۋشىلارىمىزدىڭ حالىقارالىق وليمپيادالارداعى جەڭىستەرى، كوللەدج ستۋدەنتتەرىنىڭ Workdskills چەمپيوناتتارىنداعى جەتىستىكتەرى جانە بالالارىمىزدىڭ باسقا دا جەتىستىكتەرى سونىڭ دالەلى.
مەملەكەت باسشىسى قاسىم-جومارت توقاەۆ پەداگوگتەر مەن وقۋشىلاردى قولداۋعا ەرەكشە كوڭىل ءبولىپ وتىر. 2023 جىلعى قاڭتاردان باستاپ پەداگوگتەردىڭ، بالاباقشا تاربيەشىلەرىنىڭ جانە باسقا دا ءبىلىم سالاسى قىزمەتكەرلەرىنىڭ جالاقىسى تاعى دا 25%-عا وسەدى.
حالىقارالىق پاندىك وليمپيادالاردا جۇلدەلى ورىندارعا يە بولعان دارىندى بالالارعا 4,7 ملن تەڭگەگە دەيىن سىياقى تولەنەدى. مۇنداي وليمپيادالار ءتىزىمى تاعى 7 زياتكەرلىك سايىسپەن تولىعادى. ولارعا جوو-دا وقۋعا گرانتتار دا بەرىلەدى. ۇستازدار دا بىرجولعى تولەم الادى.
ۇلگەرىمى تومەن بالالارعا ەرەكشە قولداۋ، جىلى سوزدەر جانە ولاردىڭ جەتىستىككە جەتەتىنىنە سەنىم قاجەت ەكەنىن ءتۇسىنۋ ماڭىزدى. سول سەبەپتى بيىل پرەزيدەنتتىڭ قولداۋىمەن وقۋشىلاردىڭ «بيل»، «دارىن» سياقتى مەكتەپتەردە ءبىلىم الۋى ءۇشىن 15% كۆوتا ەنگىزدىك. ونىمەن قوسا بىرقاتار ارنايى باعدارلامانى قولعا الدىق.
ەرەكشە قاجەتتىلىكتەرى بار بالالار وزدەرىن بارىنشا جايلى سەزىنىپ، مەكتەپتەردە وقي الۋى ءۇشىن پەداگوگ-اسسيستەنتتەر سانىن كوبەيتىپ جاتىرمىز. بۇل وسى باعىتتاعى كەشەندى جۇمىستاردىڭ ءبىر بولىگى عانا.
ارىپتەستەرىم وسى ماسەلەدە مەنى قولداپ، مەيىرىمدىلىككە، جىلۋلىققا، قولداۋعا جانە وزىنە دەگەن سەنىمگە مۇقتاج جاندارعا تۇسىنىستىكپەن قارايتىنىنا سەنەمىن.
بالالارعا تابىستى وقۋ جىلى مەن زور دەنساۋلىق، جاڭا بىلىمگە، جەڭىستەر مەن جاڭالىقتار اشۋعا كۇش-جىگەر تىلەيمىن!
ارىپتەستەرىمە شىعارماشىلىق تابىس، ەڭبەكقور جانە ىنتالى وقۋشىلار، اماندىق پەن تابىس تىلەيمىن!
بارشاڭىزعا ءبىلىم كۇنى قۇتتى بولسىن!»—دەدى ول.
