Oqu-aǧartu ministrı Ashat Aimaǧambetov qazaqstandyqtardy Bılım künımen qūttyqtady, dep habarlaidy «Adyrna» tılşısı.
«Qūrmettı ärıptester, oquşylar jäne ata-analar! Sızderdı 1 qyrküiek – jaŋa oqu jylynyŋ bastaluymen qūttyqtaimyn! Būl - erekşe emosiialardy tudyratyn mereke, öitkenı bärımız de oquşy boldyq jäne osy künı ūmytylmas mektep jyldaryn eske alamyz. Būl - bükıl ūrpaqty bırıktıretın mereke. Būl kün, äsırese bırınşı synyp oquşylary, olardyŋ analary men äkelerı, ata-äjelerı üşın köŋıl tolqytar sättıŋ bırı bolady. Biyl 400 myŋǧa juyq bala 1-synypqa barady. Olar alǧaşqy älıppelerın qolyna alyp, bılım älemıne qadam basady. Būl - mektep bıtıruşı 170 myŋ tülek üşın de airyqşa kün. Öitkenı tülekter qorytyndy emtihandarǧa, universitetterge tüsuge jäne ömırdegı jaŋa kezeŋnıŋ bastaluyna daiyndalady. Ol yŋǧaily boluy üşın byltyrdan berı ŪBT tapsyru räsımıne bırneşe artyqşylyq engızıldı. Iаǧni būl - ŪBT-ny 4 ret tapsyruǧa jäne grantqa tüsuge 2 mümkındık. 7,6 myŋ mektepte 3,7 mln balany qajyrly eŋbegı men joǧary käsıbi şeberlıgı arqasynda alǧysqa bölenıp kele jatqan ūstazdarymyz oqytady. Qazaqstandyq mektepterde, kolledjderde, balabaqşalarda jäne basqa da bılım beru ūiymdarynda üzdık mūǧalımder jūmys ısteidı. Olar - öz ısıne berılgen jäne şäkırtterınıŋ qabıletterın aşa bıletın käsıbi mamandar. Oquşylarymyzdyŋ halyqaralyq olimpiadalardaǧy jeŋısterı, kolledj studentterınıŋ Workdskills chempionattaryndaǧy jetıstıkterı jäne balalarymyzdyŋ basqa da jetıstıkterı sonyŋ dälelı. Memleket basşysy Qasym-Jomart Toqaev pedagogter men oquşylardy qoldauǧa erekşe köŋıl bölıp otyr. 2023 jylǧy qaŋtardan bastap pedagogterdıŋ, balabaqşa tärbieşılerınıŋ jäne basqa da bılım salasy qyzmetkerlerınıŋ jalaqysy taǧy da 25%-ǧa ösedı. Halyqaralyq pändık olimpiadalarda jüldelı oryndarǧa ie bolǧan daryndy balalarǧa 4,7 mln teŋgege deiın syiaqy tölenedı. Mūndai olimpiadalar tızımı taǧy 7 ziiatkerlık saiyspen tolyǧady. Olarǧa JOO-da oquǧa granttar da berıledı. Ūstazdar da bırjolǧy tölem alady. Ülgerımı tömen balalarǧa erekşe qoldau, jyly sözder jäne olardyŋ jetıstıkke jetetınıne senım qajet ekenın tüsınu maŋyzdy. Sol sebeptı biyl Prezidenttıŋ qoldauymen oquşylardyŋ «BİL», «Daryn» siiaqty mektepterde bılım aluy üşın 15% kvota engızdık. Onymen qosa bırqatar arnaiy baǧdarlamany qolǧa aldyq. Erekşe qajettılıkterı bar balalar özderın barynşa jaily sezınıp, mektepterde oqi aluy üşın pedagog-assistentter sanyn köbeitıp jatyrmyz. Būl osy baǧyttaǧy keşendı jūmystardyŋ bır bölıgı ǧana. Ärıptesterım osy mäselede menı qoldap, meiırımdılıkke, jylulyqqa, qoldauǧa jäne özıne degen senımge mūqtaj jandarǧa tüsınıstıkpen qaraitynyna senemın. Balalarǧa tabysty oqu jyly men zor densaulyq, jaŋa bılımge, jeŋıster men jaŋalyqtar aşuǧa küş-jıger tıleimın! Ärıptesterıme şyǧarmaşylyq tabys, eŋbekqor jäne yntaly oquşylar, amandyq pen tabys tıleimın! Barşaŋyzǧa Bılım künı qūtty bolsyn!»—dedı ol.
