بۇگىن، 23 تامىزدا قازاقستان جۋرناليستەر وداعىنىڭ مۇشەسى تولقىن ءتاشىموۆ كەنەتتەن قايتىس بولدى، دەپ حابارلايدى "ادىرنا".
قايعىلى حاباردى تولقىن ءتاشىموۆتىڭ تۋىستارى حابارلادى.
تولقىن ءتاشىموۆ ونداعان جىلدار بويى ءوزىنىڭ سۇيىكتى ءىسى - جۋرناليستيكامەن اينالىستى. وسى جىلدار ىشىندە ول ەلدىڭ ءىرى باسپا جانە ينتەرنەت -باسىلىمدارىندا جۇمىس ىستەدى، سونىڭ ىشىندە «ۆەچەرني الماتى» گازەتى. ونىڭ جۋرناليستىك شەبەرلىگى مەن شىعارماشىلىق جەتىستىكتەرىن بۇقارالىق اقپارات قۇرالدارى اراسىنداعى حالىقارالىق جانە رەسپۋبليكالىق بايقاۋلارداعى كوپتەگەن جەڭىستەرى دالەلدەيدى.
ول كەرەمەت ادام، ايگىلى تالانتتى جۋرناليست، ءوز ەلىنىڭ پاتريوتى، ادال دوس جانە سەنىمدى جولداس بولدى.
ارىپتەستەرى تولقىن حالدارۇلىنىڭ بەلسەندىلىگىن، وبەكتيۆتىلىگىن، كەز كەلگەن ساتتە كومەكتەسۋگە دايىن، ارقا سۇيەر اعا رەتىندە ەرەكشە باعالادى.
تولقىن حالدارۇلىنىڭ جارقىن ەستەلىگى ءبىزدىڭ جۇرەگىمىزدە ماڭگى ساقتالادى.
"ادىرنا" ۇلتتىق پورتالى ۇجىمى تولقىن ءتاشىموۆتىڭ وتباسى مەن جاقىندارىنا قايعىلارىنا ورتاقتاسىپ، كوڭىل ايتادى.
"ادىرنا" ۇلتتىق پورتالى
