پرەزيدەنت قاسىم-جومارت توقاەۆ باس پروكۋرورعا اسكەردە قازا تاپقان ساربازداردىڭ انالارىنىڭ ارىزىن قاراۋدى تاپسىردى، دەپ حابارلايدى “ادىرنا”.
بۇل تۋرالى قازاقستان پرەزيدەنتىنىڭ ءباسپاسوز حاتشىسى رۋسلان جەلدىباي جازدى.
"قاسىم-جومارت توقاەۆ باس پروكۋرورعا اسكەردە قازا تاپقان ساربازداردىڭ انالارىنان تۇسكەن ارىز-شاعىمدى 12 كۇن ىشىندە قاراستىرىپ، ءىستى تەرگەۋ بارىسىندا زاڭنىڭ ساقتالۋىنا باعا بەرۋدى تاپسىردى", دەلىنگەن حابارلامادا.
بۇگىنگى دۇيسەنبى، 10 قاراشادا اسكەردە تۋىستارى، بالالالارى قازا تاپقان ءبىر توپ ادام استاناداعى ۇكىمەت ۇيىنە بارىپ ءوز تالاپتارىن بىلدىرگەن. ولار قازاقستاننىڭ قارۋلى كۇشتەرىندە رەفورما جۇرگىزۋدى، جاپا شەككەندەرگە ءادىل وتەماقى تولەۋدى تالاپ ەتتى. ولار اسكەري ىستەردى قايتادان قوزعاۋ، ءادىل تەرگەۋ جۇرگىزۋ ارنايى قوعامدىق كوميسسيا قۇرۋ، اسكەري بولىمدەردەگى بەينەباقىلاۋ جۇيەسىن جاڭارتۋ، ازاماتتاردى اسكەرگە 25 جاسقا تولعاننان كەيىن شاقىرۋ ءتارىزدى تالاپتارىن بىلدىرگەن.
ال دۇيسەنبى كۇنى تۇستەن كەيىن قورعانىس مينيسترلىگى ازاماتتاردىڭ شاعىمىن جەكە-جەكە قابىلداعانىن ايتىپ، اسكەردەگى قاۋىپسىزدىك كۇشەيتىلىپ جاتقانى تۋرالى مالىمدەمە تاراتتى.
ء"ومىرىڭدى ساقتا", "زاڭ جانە ءتارتىپ" جانە باسقا دا باعدارلامالار ىسكە اسىرىلىپ جاتىر. "وتباسىمەن بەينەقوڭىراۋ" سەرۆيسى ارقىلى ساربازداردىڭ اتا-اناسىمەن تۇراقتى تەلەفون بايلانىسى ۇيىمداستىرىلعان. كۇندەلىكتى جەكە قۇرامنىڭ دەنە ءبىتىمى تەكسەرىلەدى. كازارمالار مەن قىزمەتتەن بەرىلگەن ءۇي-جايلاردا بەينەكامەرالار ورناتىلعان. ءسۋيتسيدتىڭ الدىن الۋ جانە قارۋعا قول جەتكىزۋدى باقىلاۋ ماقساتىندا جاساندى ينتەللەكت ەلەمەنتتەرى بار بەينەباقىلاۋ جۇيەسى ەنگىزىلىپ جاتىر", - دەپ جازىلعان قازاقستاننىڭ قورعانىس مينيسترلىگى تاراتقان مالىمدەمەدە.
