الەۋمەتتىك جەلىنى شۋلاتقان ابدۋلاxاد سمانوۆتىڭ «جانناتتاعى حور قىزدارى» تۋرالى ۋاعىزىنا بايلانىستى قازاقستان مۇسىلماندارى ءدىني باسقارماسى (قمدب) تۇسىنىكتەمە بەردى. بۇل تۋرالى باسقارمانىڭ ءباسپاسوز حاتشىسى اعابەك قوناربايۇلى Facebook پاراقشاسىندا ءمالىم ەتتى.
«2018 جىلى شىلدە ايىندا قاتەلىگىن مويىنداپ، نەگىزى جوق «ءحاديستى» ايتىپ، قوعامدا تۇسىنبەۋشىلىك تۋدىرعانى ءۇشىن جاماعاتتان، جالپى تىڭداۋشىلاردان كەشىرىم سۇرادى.
بۇگىندە ا.سمانوۆ قمدب جانىنداعى «تالابا» ستۋدەنتتەر قاۋىمداستىعىنىڭ ساۋد ارابيا كورولدىگى بويىنشا وكىلى. ونى تاعايىنداۋداعى ماقسات – شەتەلدە ءدىني ءبىلىم الىپ جاتقان ستۋدەنتتەردى دەسترۋكتيۆتى ءدىني اعىمداردىڭ يدەولوگياسىنان ساقتاندىرۋ، جاستار اراسىندا قمدب مەن مەملەكەت ۇستانىمدارى تۋرالى ءتيىستى تۇسىندىرمە جۇمىستارىن جۇرگىزۋ. ءدىني باسقارما وكىلى وسى باعىتتا جۇمىس ىستەۋدە. ابدۋلاحاد سمانوۆتىڭ ءدىني سەنىمى قمدب ۇستانىمىنا قايشى كەلمەيتىنىن مالىمدەيمىز.
قمدب اتا-بابامىز سان عاسىردان بەرى ۇستانىپ كەلە جاتقان يسلام ءدىنىنىڭ ءداستۇرلى حانافي ءمازھابىن ناسيحاتتايدى. يسلام دىنىمەن بىتەقايناسقان ءداستۇرىمىزدى، ادەت-عۇرپىمىزدى، كوپدىندى، كوپۇلتتى ەلىمىزدە قالىپتاسقان قۇندىلىقتاردى دارىپتەۋ – ءدىني باسقارمانىڭ باستى جۇمىس باعىتتارىنىڭ ءبىرى بولىپ قالا بەرەدى»، - دەلىنگەن قمدب حابارلاماسىندا.
ۆيدەودا ايتقان ءسوزى:
«ءبىر ايەلىڭىزبەن جانناتقا كىرسەڭىز، 71 ايەلىڭىز بولادى. ءار حور قىزىنىڭ 70-تەن قىزمەتشىسى بولادى ياعني ءبىر ايەلمەن جانناتقا كىرسەڭىز، 4 900 ايەلىڭىز بولادى. سول كەزدە 2-3 ايەل الماعاندار بارماقتارىن شاينايدى ەكەن»، - دەلىنگەن ۆيدەودا.
“ادىرنا” ۇلتتىق پورتالى
