Äleumettık jelını şulatqan Abdulaxad Smanovtyŋ «Jännattaǧy hor qyzdary» turaly uaǧyzyna bailanysty Qazaqstan mūsylmandary dıni basqarmasy (QMDB) tüsınıkteme berdı. Būl turaly basqarmanyŋ baspasöz hatşysy Aǧabek Qonarbaiūly Facebook paraqşasynda mälım ettı.
«2018 jyly şılde aiynda qatelıgın moiyndap, negızı joq «hadistı» aityp, qoǧamda tüsınbeuşılık tudyrǧany üşın jamaǧattan, jalpy tyŋdauşylardan keşırım sūrady. Bügınde A.Smanov QMDB janyndaǧy «Talaba» studentter qauymdastyǧynyŋ Saud Arabiia Koroldıgı boiynşa ökılı. Ony taǧaiyndaudaǧy maqsat – şetelde dıni bılım alyp jatqan studentterdı destruktivtı dıni aǧymdardyŋ ideologiiasynan saqtandyru, jastar arasynda QMDB men memleket ūstanymdary turaly tiıstı tüsındırme jūmystaryn jürgızu. Dıni basqarma ökılı osy baǧytta jūmys ısteude. Abdulahad Smanovtyŋ dıni senımı QMDB ūstanymyna qaişy kelmeitının mälımdeimız. QMDB ata-babamyz san ǧasyrdan berı ūstanyp kele jatqan İslam dınınıŋ dästürlı hanafi mäzhabyn nasihattaidy. İslam dınımen bıteqainasqan dästürımızdı, ädet-ǧūrpymyzdy, köpdındı, köpūltty elımızde qalyptasqan qūndylyqtardy därıpteu – Dıni basqarmanyŋ basty jūmys baǧyttarynyŋ bırı bolyp qala beredı», - delıngen QMDB habarlamasynda.Videoda aitqan sözı: «Bır äielıŋızben jännatqa kırseŋız, 71 äielıŋız bolady. Är hor qyzynyŋ 70-ten qyzmetşısı bolady iaǧni bır äielmen jännatqa kırseŋız, 4 900 äielıŋız bolady. Sol kezde 2-3 äiel almaǧandar barmaqtaryn şainaidy eken», - delıngen videoda.
“Adyrna” ūlttyq portaly
Ūqsas jaŋalyqtar
