مۇحامەدجان تازابەكوۆ ءوزىن بىرنەشە ءدىني اعىم مۇشەلەرى وزىنە تارتپاق بولعانىن مويىندايدى. ءبارىنىڭ ءسوزىن، ۋاعىزىن تىڭداپ كورگەنىمەن ەشكىمنىڭ ەتەگىنەن ەرگەن جوقپىن دەپ اقتالدى. بۇل رەتتە قوعام قايراتكەرى دارىن ءمۇباروۆ جايلى كوزقاراسىن ءبىلدىردى، دەپ حابارلايدى “ادىرنا” ۇلتتىق پورتالى.
مۇحامەدجان تازابەكوۆ ءوزىن بىرنەشە ءدىني اعىم مۇشەلەرى وزىنە تارتپاق بولعانىن مويىندادى
21.12.2021
3139
مۇحامەدجان تازابەكوۆ ءبىر كەزدەرى بىرنەشە اعىم مۇشەلەرىنىڭ ۋاعىزىن تىڭداپ كورگەنىن مويىندايدى. ءتىپتى ءوزىن سول توپقا مۇشە بولۋعا شاقىرعاندار از ەمەس. ايتىسقا شىعىپ، ەل تانىپ، كوز كورگەندەر كوپ بولعان سوڭ بىردەن كوزگە تۇسەتىن ەدىك دەيدى.
“ايتىس ارقىلى ەلگە تانىلدىق. ەلمەن ەتەنە ارالاسپاساق تا، ءبىزدىڭ ءارى ءىسىمىزدى ەل اڭگىمە قىلادى. اركىم وزىنە تارتقىسى كەلەدى. مەن حاليفا التاي اعانىڭ قاسىندا كوپ ءجۇردىم. كومەكشىسى بولدىم. ول كىسىنىڭ ۋاعىزدارىن تىڭداپ ءجۇردىم. دارىن ءمۇباروۆ ورتالىق مەشىتتە يمام بولىپ تۇرعاندا ۋاعىزىن تىڭدايتىنبىز. مەن ونىڭ ۋاعىزدارىنىن قاتەلىك كورگەن جوقپىن. سيرياعا بارۋعا ۇگىتتەگەنىن، سوعىسقا، جيھادقا شاقىرعانىن كورگەن جوقپىن ءوز باسىم. مەملەكەتتى بۇزۋعا، راديكاليزمە شاقىرعان جەرىن كورگەن جوقپىن. ونىڭ اكەسىن دە، شەشەسىن دە، اعايىن-تۋىسىن دا تانيمىن. ءوزى قازاقى تاربيەدە وسكەن. ەلىم دەپ جۇرگەن ازامات. ەلىم باقىتسىز بولماسىن، و دۇنيەدە وتقا ءتۇسىپ كەتپەسىن دەپ شىرىلداپ جۇرگەن ادام”، – دەدى تازابەكوۆ.
“ادىرنا” ۇلتتىق پورتالى
Басқалармен бөлісе отырыңыз
پىكىرلەر
