وقۋ-اعارتۋ ءمينيسترى
ا.ق. ايماعامبەتوۆ مىرزانىڭ نازارىنا!
سونىمەن، قازاقتار وتىز جىل شۋلاپ ءجۇرىپ قازاق مەكتەپتەرىنىڭ ءبىرىنشى سىنىپ وقۋشىلارىن ورىس جانە اعىلشىن ءتىلىن وقۋدان زورعا قۇتقاردى.
وتە دۇرىس! بىراق، از. تىم از...
قازاق مەكتەپتەرىندە ساباق باستاۋىش سىنىپتى بىتىرگەنشە تەك ءبىر تىلدە – قازاق تىلىندە وقىتىلۋى كەرەك!
سودان كەيىن بارىپ اعىلشىن ءتىلىن ەنگىزگەن ءجون.
ال، ورىس ءتىلىنىڭ تۇككە كەرەگى جوق! وقۋ باعدارلاماسىنان تۇگەلىمەن الىپ تاستاۋ كەرەك!
مەن قىتايدان ورالعان قازاقپىن. اتاجۇرتىما كەلگەنىمە 24-جىل بولدى. ءبىر اۋىز ورىسشا بىلمەيمىن. بىلۋگە قۇمارتقان دا جوقپىن جانە سودان زارداپ شەككەن دە ەمەسپىن. قىزىم رايان، اللا قالاسا، ەندى ءبىر جىلدان سوڭ مەكتەپكە بارادى. وسىعان دەيىن ءۇش بالاباقشا اۋىستىرىپ ءجۇرىپ ءتىلىن زورعا قازاقشا شىعاردىق. وعان ورىس ءتىلىن وقىتپايمىن، كوك تيىندىق كەرەگى جوق! ونسىز دا اۋلادا ويناپ ءجۇرىپ-اق ۇيرەنىپ الدى. قاجەت بولىپ جاتسا، كەيىن ءوزى ودان ارى جەتىلدىرىپ الاتىنىنا سەنىمدىمىن. قايتا، ورىس ءتىلىنىڭ ورنىنا باسقا پاندەردى وقىعىنى، اعىلشىن ءتىلىن جەتتىك يگەرگەنى كەرەك بىزگە!
ەگەر، ورىس تىلىنە كىندىگى بايلانعاندار بولسا، ولار ورىس ءتىلدى مەكتەپكە بارىپ وقىسىن!
قىسقاسى، قازاق مەكتەبىنە ورىس ءتىلىن تىقپالاۋ ەشبىر قيسىنعا سىيمايدى. ول – قۇلدىقتىڭ، كىرىپتارلىقتىڭ بەلگىسى! ءتىپتى، تاۋەلسىزدىگىمىزگە كۇدىك كەلتىرەتىن جاعداي بۇل!!!
قوعام بەلسەندىسى اۋىت مۇقيبەكتىڭ facebookپاراقشاسىنان
