Oqý-aǵartý mınıstri
A.Q. Aımaǵambetov myrzanyń nazaryna!
Sonymen, qazaqtar otyz jyl shýlap júrip qazaq mektepteriniń birinshi synyp oqýshylaryn orys jáne aǵylshyn tilin oqýdan zorǵa qutqardy.
Óte durys! Biraq, az. Tym az...
Qazaq mektepterinde sabaq bastaýysh synypty bitirgenshe tek bir tilde – qazaq tilinde oqytylýy kerek!
Sodan keıin baryp aǵylshyn tilin engizgen jón.
Al, orys tiliniń túkke keregi joq! Oqý baǵdarlamasynan túgelimen alyp tastaý kerek!
Men Qytaıdan oralǵan qazaqpyn. Atajurtyma kelgenime 24-jyl boldy. Bir aýyz oryssha bilmeımin. Bilýge qumartqan da joqpyn jáne sodan zardap shekken de emespin. Qyzym Raıan, Alla qalasa, endi bir jyldan soń mektepke barady. Osyǵan deıin úsh balabaqsha aýystyryp júrip tilin zorǵa qazaqsha shyǵardyq. Oǵan orys tilin oqytpaımyn, kók tıyndyq keregi joq! Onsyz da aýlada oınap júrip-aq úırenip aldy. Qajet bolyp jatsa, keıin ózi odan ary jetildirip alatynyna senimdimin. Qaıta, orys tiliniń ornyna basqa pánderdi oqyǵyny, aǵylshyn tilin jettik ıgergeni kerek bizge!
Eger, orys tiline kindigi baılanǵandar bolsa, olar orys tildi mektepke baryp oqysyn!
Qysqasy, qazaq mektebine orys tilin tyqpalaý eshbir qısynǵa syımaıdy. Ol – quldyqtyń, kiriptarlyqtyń belgisi! Tipti, Táýelsizdigimizge kúdik keltiretin jaǵdaı bul!!!
Qoǵam belsendisi Aýyt Muqıbektiń facebookparaqshasynan
