وزبەكستان قازاقستاندىق كومپانيامەن ءبىر جىل ىشىندە ۋراندى فرانتسياعا تاسىمالداۋ تۋرالى كەلىسىمگە قول قويدى. كومپانيا سانكت-پەتەربۋرگ پورتىنان فرانتسياعا 500 كونتەينەر ۋران كونتسەنتراتىن تاسىمالدايدى، دەپ حابارلايدى “ادىرنا” ۇلتتىق پورتالى daryo.uz سايتىنا سىلتەپ.
وزبەكستاندىق «ناۆويۋران» مەملەكەتتىك كاسىپورنى قازاقستاندىق TOO Logistic Center كومپانياسىنا سانكت-پەتەربۋرگ پورتىنان فرانتسيانىڭ وڭتۇستىگىندەگى مالۆەزي كوممۋناسىنا 500 كونتەينەر ۋران كونتسەنتراتىن تاسىمالداۋ ءۇشىن 9 ميلليون ەۋرو تولەيتىن بولدى.
ۋران 2026 جىلدىڭ ءبىرىنشى توقسانىنىڭ سوڭىنا دەيىن تاسىمالدانادى. ءاربىر تاسىمالداۋ سانكت-پەتەربۋرگ پورتىنان جونەلتىلگەن كۇننەن باستاپ 15 كۇن ىشىندە جۇزەگە اسىرىلۋى كەرەك. اتوم ەنەرگياسى جونىندەگى حالىقارالىق اگەنتتىك (ماگاتە) قابىلداعان راديواكتيۆتى ماتەريالداردى قاۋىپسىز تاسىمالداۋ ەرەجەلەرىنە سايكەس جۇك بەلگىلەنگەن جەرگە قاۋىپسىز جەتكىزىلۋى ءتيىس.
