فاررۋح زاكيروۆ «دوستىق» وردەنىمەن ماراپاتتالدى، دەپ حابارلايدى "ادىرنا" ۇلتتىق پورتالى.
قازاقستان پرەزيدەنتى قاسىم-جومارت توقاەۆتىڭ جارلىعىمەن ايگىلى «ياللا» ءانسامبلىنىڭ جەتەكشىسى فاررۋح زاكيروۆ II دارەجەلى «دوستىق» وردەنىمەن ماراپاتتالدى.
ماراپاتتى قازاقستاننىڭ وزبەكستانداعى توتەنشە جانە وكىلەتتى ەلشىسى بەيبىت اتامقۇلوۆ تاشكەنت قالاسىنداعى قازاقستان ەلشىلىگىندە تابىستادى.
سالتاناتتى ءراسىم بارىسىندا ونەر يەسى بۇل ماراپاتتى جوعارى باعالاپ، ونى تەك جەكە جەتىستىك ەمەس، تۇتاس وزبەك حالقىنا كورسەتىلگەن قۇرمەت رەتىندە قابىلدايتىنىن اتاپ ءوتتى.
«بۇل ماراپاتتى مەن الدىمەن بۇكىل وزبەك حالقىنا كورسەتىلگەن قۇرمەت دەپ بىلەمىن»، – دەدى فاررۋح زاكيروۆ.
ايتا كەتەيىك، بيىل "شايحانا" انىمەن تانىلعان فاررۋح زاكيروۆتىڭ 80 جىلدىق مەرەيتويى اتالىپ ءوتتى.
ۇقساس جاڭالىقتار
