Ózbekstannyń burynǵy prezıdenti Islam Karımovtyń úlken qyzy Gúlnárǵa tıesili 131 mln dollar Shveıarııadan elge qaıtarylady. Bul týraly ózbekstandyq BAQ jarııalady, dep habarlaıdy “Adyrna” ulttyq portaly.
Uznews.uz saıtynyń málimdeýinshe, bıyl 16 tamyzda Bern qalasynda Ózbekstan men Shveıarııa arasynda «Shveıarııada tárkilengen zańsyz satyp alynǵan aktıvterdi Ózbekstan halqynyń ıgiligine qaıtarý tásilderi týraly» kelisimge qol qoıyldy. Oǵan Ádilet mınıstri Rýslanbek Davletov men Shveıarııa prezıdenti Inıaıo Kassıs qol qoıǵan.
“Bul Gúlnara Karımova bastaǵan uıymdasqan qylmystyq toptyń buryn zańsyz satyp alǵan jáne Shveıarııada zańdastyrylǵan 131 mln dollardy (shamamen 1,4 trln sým) Ózbekstan halqyna qaıtarýǵa múmkindik beredi”, dep jazylǵan Ózbekstannyń ádilet mınıstrligi taratqan habarlamada.
“Adyrna” ulttyq portaly
