مەملەكەت باسشىسى قاسىم-جومارت توقاەۆ ەرلان ىدىرىسوۆتى قازاقستاننىڭ ۇلىبريتانياداعى جانە باسقا بىرقاتار ەلدەگى ەلشى قىزمەتىنەن بوساتتى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
"مەملەكەت باسشىسىنىڭ جارلىعىمەن ەرلان ءابىلفايىزۇلى ىدىرىسوۆ قازاقستان رەسپۋبليكاسىنىڭ ۇلىبريتانيا جانە سولتۇستىك يرلانديا قۇراما كورولدىگىندەگى توتەنشە جانە وكىلەتتى ەلشىسى، قازاقستان رەسپۋبليكاسىنىڭ يسلاندياداعى، يرلانديا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمدارىنان بوساتىلدى", - دەلىنگەن حابارلامادا.
ىدىرىسوۆ 2017 جىلدىڭ اقپانىندا قازاقستاننىڭ ۇلىبريتانياداعى جانە سولتۇستىك يرلاندياداعى ەلشىسى بولعان ەدى.
