مەملەكەت باسشىسىنىڭ جارلىعىمەن ماعجان ءىلياسوۆ اقش-تاعى قازاقستان رەسپۋبليكاسىنىڭ ەلشىسى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
ول قازاقستاننىڭ ۇلىبريتانيا جانە سولتۇستىك يرلاندياداعى، سونداي-اق يسلانديا مەن يرلاندياداعى ەلشىسى قىزمەتتەرىنەن بوساتىلدى.
51 جاستاعى ماعجان ءىلياسوۆ 2022 جىلدىڭ قازان ايىنان باستاپ قازاقستاننىڭ ۇلىبريتانياداعى ەلشىسى قىزمەتىن اتقارعان.
بۇعان دەيىن ول بۇۇ جانىنداعى قازاقستاننىڭ تۇراقتى وكىلى، سونداي-اق نيدەرلاندتاعى ەلشى جانە حيميالىق قارۋعا تىيىم سالۋ ۇيىمى جانىنداعى تۇراقتى وكىل بولعان.
بۇدان بولەك، پرەزيدەنتتىڭ كەڭەسشىسى جانە پرەزيدەنت اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى قىزمەتتەرىن دە اتقارعان.
ۇقساس جاڭالىقتار
