بەرىك ناجىميدەنوۆ جوعارعى سوتتىڭ سۋدياسى قىزمەتىنەن بوساتىلدى. بۇل تۋرالى بۇگىن جوعارعى پالاتانىڭ پلەنارلىق وتىرىسىندا جوعارعى سوت كەڭەسىنىڭ توراعاسى دميتري مالاحوۆ ايتتى، دەپ حابارلايدى «ادىرنا» ءتىلشىسى.
«بەرىك تولەۋتايۇلى — بۇرىنعى زاڭگەر، قارجىلىق باقىلاۋ سالاسىنىڭ مامانى. ول مەملەكەت باسشىسىنىڭ ۇسىنىسىمەن قۇقىقتىڭ جەكەلەگەن سالالارىنداعى ماماندار ارقىلى سوت جۇيەسىن كۇشەيتۋ ماقساتىندا جوعارعى سوتتىڭ سۋدياسى بولىپ تاعايىندالعان بولاتىن. ال پرەزيدەنتتىڭ 2025 جىلعى 26 ماۋسىمداعى جارلىعىمەن بەرىك تولەۋتايۇلى اكىمشىلىك ىستەر جونىندەگى كونستيتۋتسيالىق سوتتىڭ توراعاسى قىزمەتىنە كەلدى. بۇل تۇرعىدا ونىڭ باسقا قىزمەتكە تاعايىندالۋىنا بايلانىستى جوعارعى سوت سۋدياسى قىزمەتىنەن بوساتۋ جونىندەگى ۇسىنىمدى قولداۋدى سۇرايمىز»،—دەپ ءتۇسىندىردى ول.
سەناتورلار ناجىميدەنوۆتى قىزمەتىنەن بوساتۋدى قولداپ داۋىس بەردى.
ايتا كەتەيىك، بەرىك تولەۋتايۇلى جوعارعى سوت سۋدياسى قىزمەتىنە 2021 جىلدىڭ قاراشاسىندا تاعايىندالعان بولاتىن. كوپشىلىك ونىڭ زاڭ سالاسىندا بۇرىن-سوڭدى جۇمىس ىستەمەگەنىن العا تارتىپ، پرەزيدەنت شەشىمىنە نارازىلىق بىلدىرگەن ەدى.
