قازاقستاننىڭ رەسەي فەدەراتسياسىنداعى ەلشىسى داۋرەن اباەۆ گروزنىي قالاسىنىڭ ماڭىندا وتكەن رامزان قادىروۆتىڭ 17 جاستاعى ۇلى ادام قادىروۆتىڭ ۇيلەنۋ تويىنا قاتىسقانىن راستادى، دەپ حابارلايدى "ادىرنا" ۇلتتىق پورتالى.
اباەۆ 28 ماۋسىم كۇنى احمات يۋرت اۋىلىندا وتكەن سالتاناتتى شاراعا قاتىستى سۇراقتارعا جاۋاپ بەردى.
«مەن تەك ماسكەۋدەگى ەلشى عانا ەمەسپىن، بۇكىل رەسەي فەدەراتسياسىنداعى قازاقستاننىڭ ەلشىسىمىن. سوندىقتان وڭىرلەرگە دە ءجيى بارامىن. قازاق پەن شەشەن حالىقتارىنىڭ اراسىندا تىعىز، تاريحي دوستىق بايلانىس بار. ءبىز وتكەن عاسىردا مىڭداعان شەشەننىڭ قازاقستانعا دەپورتاتسيالانعانىن ۇمىتقان جوقپىز. سول قيىن كەزەڭدە قازاق حالقى شەشەن حالقىنا قولداۋ ءبىلدىردى. بۇگىنگى قاتىسۋىم — وسى دوستىقتىڭ جالعاسى»، – دەپ ءتۇسىندىردى.
ايتا كەتەيىك، ادام قادىروۆ — شەشەنستان باسشىسى رامزان قادىروۆتىڭ 17 جاستاعى كەنجە ۇلى. 2023 جىلى قۇراندى ورتەگەنى ءۇشىن ۇستالعان نيكيتا جۋراۆەلدى تەرگەۋ يزولياتورىندا ۇرىپ-سوعىپ، داۋعا ىلىككەن بولاتىن. وسى وقيعادان كەيىن رەسەيدىڭ بىرنەشە ايماعى وعان ءتۇرلى ماراپاتتار تابىستاعان.
