Foto: Jİ
5-synyp oquşysyna qatysty boluy mümkın seksualdyq zorlyq-zombylyq deregı boiynşa jaŋa mälımetter belgılı boldy, dep habarlaidy “Adyrna”.
Oqiǧa Qostanai oblysyndaǧy auyldardyŋ bırınde bolǧan.
İnformbiuro deregınşe, jäbırlenuşı taraptyŋ advokaty ıstıŋ jan-jaqty ärı ädıl tergeluın, sondai-aq ıske qatysy bar delıngen kämeletke tolmaǧan balalardyŋ qūqyqtary saqtaluyn talap etıp otyr.
Būǧan deiın äleumettık jelılerde 11 jastaǧy balanyŋ mektep aumaǧynda zorlyq-zombylyqqa ūşyraǧany turaly aqparat taraǧan edı. Advokattyŋ mälımetınşe, küdıktı retınde atalǧan balalar jäbırlenuşınıŋ synyptastary. Qazır polisiia atalǧan derek boiynşa tergeu jürgızıp jatyr.
Aqtöbe oblysy zaŋ konsultanttary palatasynyŋ müşesı, zaŋger Damir Mūrattyŋ aituynşa, oqiǧadan keiın balalar mektepke barmai, üide otyr. Olardyŋ oquyn qalai jalǧastyratyny äzırge belgısız. Sebebı şaǧyn auyl mektebınde jäbırlenuşı men oqiǧaǧa qatysy bar delıngen balalardyŋ qaita kezdesuı mümkın.
Zaŋger būl mäsele boiynşa mektep äkımşılıgı men direktoryna jügıngenımen, äzırge naqty jauap ala almaǧan.
Onyŋ sözınşe, ıstıŋ qozǧaluyna oqu-aǧartu ministrlıgınıŋ aralasuy yqpal etken. Vedomstvo jäbırlenuşınıŋ otbasyna qoldau körsetıp, balaǧa psihologiialyq kömek ūiymdastyrǧan.
Atalǧan faktı boiynşa kämeletke tolmaǧan adamǧa qatysty adamdar toby jasaǧan seksualdyq sipattaǧy zorlyq äreketterı deregımen qylmystyq ıs qozǧalǧan.
Jäbırlenuşınıŋ anasy kömek sūrap, Aqtöbe oblysyndaǧy zaŋgerge jügıngen. Zaŋgerdıŋ mälımetınşe, qazır qylmystyq ıs prokuraturanyŋ baqylauynda.
