Foto: Uikipediia
Ukraina prezidentı Vladimir Zelenskii Qyrym köpırı el üşın zaŋdy äskeri nysana ekenın aityp, Resei basşylyǧy köpırdıŋ qauıpsızdıgıne kepıldık bere almaitynyn tüsınuı kerek dep aitty, dep habarlaidy "Adyrna" tılşısı.
Būl turaly ol 20 qaraşada amerikalyq NBC telearnasyna bergen sūhbatynda aitty.
Zelenskiidıŋ sözınşe, Qyrym 2014 jyldan berı Reseidıŋ baqylauynda. Sondyqtan Ukraina tübektı öz aumaǧy dep sanaidy jäne ony qaitaru üşın diplomatiialyq ärı äskeri jolmen kürestı jalǧastyrady.
Ukraina prezidentı Reseidıŋ Qyrym köpırın tübekke qaru-jaraq jetkızu üşın paidalanatynyn da atap öttı. Onyŋ aituynşa, Resei Ukraina nysandaryna şabuyl jasaǧandyqtan, Kiev jauap beruge mäjbür bolǧan.
Būǧan deiın 16 qaraşada Qyrym köpırıne jasalǧan soqqydan keiın kölık qozǧalysy şektelgen. Keiın köpırdıŋ arkasy men avtomobil jolynyŋ bır bölıgı teŋızge qūlaǧany habarlandy. Al 19 qaraşaǧa qaraǧan tünı köpırdıŋ temırjol bölıgıne de zaqym kelgen.
Resei vise-premerı Marat Husnullin 20 qaraşada köpırdıŋ negızgı aralyǧy men arkasy zaqymdanǧanyn mälımdedı. Onyŋ aituynşa, nysandy qalpyna keltıru merzımı äzırge belgısız. Jöndeu jūmystarynyŋ naqty uaqyty injenerlık saraptama men jobalyq şeşımderden keiın anyqtalmaq.
Al Kiev ūlttyq kölık universitetınıŋ dosentı Andrei Koreskii köpırdı qalpyna keltıruge 1,5-3 jyl qajet boluy mümkın dep baǧalaǧan. Onyŋ aituynşa, arkany daiyndaudyŋ özıne şamamen bır jyl ketedı.
