Зеленский: Қырым көпірі — Украинаның заңды нысанасы

193
Adyrna.kz Telegram
https://adyrna.kz/storage/uploads/aRfyXE1Q8yCeK8QuUWUxUTZrvQGyngiQ6BxxyiMG.webp

Фото: Уикипедия

Украина президенті Владимир Зеленский Қырым көпірі ел үшін заңды әскери нысана екенін айтып, Ресей басшылығы көпірдің қауіпсіздігіне кепілдік бере алмайтынын түсінуі керек деп айтты, деп хабарлайды "Адырна" тілшісі.

Бұл туралы ол 20 қарашада америкалық NBC телеарнасына берген сұхбатында айтты.

Зеленскийдің сөзінше, Қырым 2014 жылдан бері Ресейдің бақылауында. Сондықтан Украина түбекті өз аумағы деп санайды және оны қайтару үшін дипломатиялық әрі әскери жолмен күресті жалғастырады.

Украина президенті Ресейдің Қырым көпірін түбекке қару-жарақ жеткізу үшін пайдаланатынын да атап өтті. Оның айтуынша, Ресей Украина нысандарына шабуыл жасағандықтан, Киев жауап беруге мәжбүр болған.

Бұған дейін 16 қарашада Қырым көпіріне жасалған соққыдан кейін көлік қозғалысы шектелген. Кейін көпірдің аркасы мен автомобиль жолының бір бөлігі теңізге құлағаны хабарланды. Ал 19 қарашаға қараған түні көпірдің теміржол бөлігіне де зақым келген.

Ресей вице-премьері Марат Хуснуллин 20 қарашада көпірдің негізгі аралығы мен аркасы зақымданғанын мәлімдеді. Оның айтуынша, нысанды қалпына келтіру мерзімі әзірге белгісіз. Жөндеу жұмыстарының нақты уақыты инженерлік сараптама мен жобалық шешімдерден кейін анықталмақ.

Ал Киев ұлттық көлік университетінің доценті Андрей Корецкий көпірді қалпына келтіруге 1,5-3 жыл қажет болуы мүмкін деп бағалаған. Оның айтуынша, арканы дайындаудың өзіне шамамен бір жыл кетеді.

댓글
기타 기사