Äkeler odaǧy Qazaqstanda energetikalyq susyndardy tolyqtai tyiudy ūsyndy

47
Adyrna.kz Telegram
https://adyrna.kz/storage/uploads/atTbmlt3RzorHceiFmPEhMyUhLovkbHXfCXABLLu.webp

Energetikalyq susyndar bügınde köptegen qazaqstandyqtardyŋ kündelıktı ömırınıŋ bır bölıgıne ainaldy. Ony oquşylar, studentter, jürgızuşıler, keŋse qyzmetkerlerı jäne basqa da mamandyq ielerı şarşau, ūiqynyŋ qanbauy men joǧary jūmys jüktemesın eŋseru maqsatynda tūtynady. Alaida qysqa uaqytqa sergektık syilaityn mūndai susyndardyŋ artynda densaulyqqa tönetın qauıpter boluy mümkın. Būl mäsele qoǧam men memleket tarapynan erekşe nazar audarudy talap etedı.

«Äkeler odaǧy» respublikalyq qoǧamdyq bırlestıgı Qazaqstanda energetikalyq susyndardy öndıruge, kommersiialyq maqsatta elge äkeluge, köterme jäne bölşek saudada satuǧa tolyq tyiym salu turaly bastama köterdı. Ūsynys internet arqyly satu men jetkızu qyzmetterın de qamtidy.

Qoǧamdyq bırlestık ökılderınıŋ pıkırınşe, qoldanystaǧy şekteuler mäselenı tolyq şeşuge qauqarsyz. 2025 jylǧy 1 qaŋtardan bastap Qazaqstanda energetikalyq susyndardy 21 jasqa tolmaǧan azamattarǧa satuǧa tyiym salyndy. Al 2026 jyldan bastap būl önımderge aksiz salyǧy engızıldı. Atalǧan şaralar naryqty retteu baǧytyndaǧy belgılı bır qadam bolǧanymen, eresek tūtynuşylardyŋ densaulyǧyna energetikalyq susyndardyŋ yqtimal kerı äserın tolyqtai joimaidy.

«Bızdı energetikalyq susyndardy tūraqty tūtynudyŋ ūzaq merzımdı saldary qatty alaŋdatady. Äŋgıme bedeulık, qaterlı ısık, jas kezde infarkt alu jäne ömır süru ūzaqtyǧynyŋ qysqaru qaupı turaly bolyp otyr», – delıngen «Äkeler odaǧy» respublikalyq qoǧamdyq bırlestıgı töraǧasynyŋ orynbasary Küzembai Bekdaiyr Nyǧmetūlynyŋ beineündeuınde.

Pıkırler