اتىراۋ جۇرتشىلىعىمەن كەزدەسۋ وتكىزگەن قاسىم-جومارت توقاەۆ جاستارعا ەنەرگەتيكالىق سۋسىن ساتۋعا تىيىم سالۋ ماسەلەسىن قاراستىرۋدى تاپسىردى. سونىمەن قاتار وقۋشىلاردىڭ ەلەكتروندى تەمەكىگە اۋەستىگى تۋرالى دا ايتىپ ءوتتى، دەپ حابارلايدى “ادىرنا” ۇلتتىق پورتالى.
«قازىر ەرەسەكتەردىڭ ەرمەگىنە اينالعان ەلەكتروندى تەمەكىگە وقۋشىلار دا اۋەستەنىپ بارادى. مۇنداي تەمەكىنى بالالار دۇكەننەن ەش كەدەرگىسىز ساتىپ الادى. بۇل – قاۋىپتى جاعداي. قوعامدا ەنەرگەتيكالىق سۋسىنداردى جاستارعا ساتۋعا تىيىم سالۋ قاجەتتىگى ءجيى ايتىلادى. ۇكىمەت بۇل ماسەلەنى مۇقيات زەردەلەپ، ناقتى شەشىم قابىلداۋى كەرەك»، - دەدى ول.
