رەسەيلىك ءانشى يرينا دۋبتسوۆانىڭ تاشكەنت قالاسىندا جوسپارلانعان كونتسەرتى وتپەيتىن بولدى. بۇل تۋرالى Anons.uz جازدى، دەپ حابارلايدى «ادىرنا» ءتىلشىسى.
باسىلىمنىڭ مالىمەتىنشە، ونەر يەسى 25 ماۋسىمدا «Obi Hayot» مەيرامحاناسىندا ونەر كورسەتەدى دەپ كۇتىلگەن.
«اقشانى قايتارۋ تۋرالى سۇراقتار بويىنشا بيلەتتە كورسەتىلگەن نومىرگە حابارلاسىڭىزدار»،—دەلىنگەن حابارلامادا.22 ماۋسىمدا وزبەكستاندىق ءانشى نارگيز زاكيروۆا يرينا دۋبتسوۆانىڭ جوسپارلانعان كونتسەرتىن سىنعا العان بولاتىن. ول وقىرماندارىنا «نە سەبەپتى بارلىعى تاشكەنتكە اسىعادى؟» دەگەن ساۋال تاستاپ، كەيىن جازباسىن ءوشىرىپ تاستادى. وسىدان بىرنەشە كۇن بۇرىن وزبەكتەر گريگوري لەپستىڭ 23 قازان كۇنى تاشكەنتتە وتەتىن كونتسەرتىنە دە نارازىلىق ءبىلدىردى. كەيىن الەۋمەتتىك جەلىدە «ءىس-شارا بولمايدى» دەگەن حابارلاما تارادى. الايدا كونتسەرتتى ۇيىمداستىرۋشىلار بۇل اقپاراتتى جوققا شىعاردى. ايتا كەتەيىك، بۇعان دەيىن يرينا دۋبتسوۆانىڭ 24 ماۋسىم كۇنى قوناەۆ قالاسىندا كونتسەرت قويعالى جاتقانىن جازعان ەدىك. كەيىننەن «Casino Bellagio» قوناقۇيى جەلىدەگى رەسمي پاراقشاسىنان ءانشىنىڭ ونەر كورسەتەتىنى تۋرالى حابارلاندىرۋدى الىپ تاستادى. ەلىمىزدە رەسەيلىك ءانشى گريگوري لەپستىڭ قوناەۆ قالاسىندا 8 شىلدەگە جوسپارلانعان كونتسەرتى دە وتپەيتىن بولدى. بۇعان دەيىن قوعام بەلسەندىلەرى ونىڭ رەسەي باسقىنشىلىعىن اشىق قولدايتىنىن اتاپ ءوتىپ، قازاقستانعا كەلۋىنە قارسىلىق بىلدىرگەن بولاتىن.
ۇقساس جاڭالىقتار
