Suret: Uikipediia
Almatyda äl-Farabi atyndaǧy QazŪU-dyŋ 1-kurs studentı qaza boldy. Aqparatty JOO-nyŋ baspasöz qyzmetı rastady, dep habarlaidy «Adyrna» tılşısı.
«Äl-Farabi atyndaǧy Qazaq ūlttyq universitetınıŋ ūjymy geografiia jäne tabiǧatty paidalanu fakultetınıŋ bırınşı kurs studentınıŋ mezgılsız qaitys boluyna bailanysty ata-anasyna, tuǧan-tuystary men jaqyndaryna qaiǧyryp köŋıl aitady»,– delıngen habarlamada.
Sondai-aq oqu orny studenttıŋ otbasyna materialdyq jäne moraldyq qoldau körsetetının mälımdedı. Universitet äkımşılıgı bolǧan oqiǧanyŋ män-jaiyn anyqtau üşın qūqyq qorǧau organdaryna kömektesıp jatqanyn jetkızdı.
Polisiia atalǧan faktı boiynşa qylmystyq ıs qozǧaǧan.
«Küdıktı ūstaldy. Qazırgı uaqytta tergeudıŋ tolyqtyǧyn, jan-jaqtylyǧyn jäne obektivtılıgın qamtamasyz etuge baǧyttalǧan keşendı tergeu amaldary jürgızılıp jatyr», – delıngen habarlamada.
Eske salaiyq, 6 qaraşada jurnalistika fakultetınıŋ bırınşı kurs studentı ömırden ozǧan edı. Atalǧan oqiǧaǧa bailanysty polisiia qylmystyq ıs qozǧaǧan.
Ǧylym jäne joǧary bılım ministrı QazŪU-dyŋ Qylmystyq-prosestık kodeks normalaryna bailanysty būl ıske qatysty aqparat tarata almaitynyn tüsındırgen bolatyn. Ministrlık ökılderı qyzdyŋ qamqorşylarymen bailanysqa şyqqan. Al qajettı şyǧyndardyŋ barlyǧyn universitet öz moinyna alǧan.
